សម្តេចតេជោថា នឹងរាំបទ”ឆ្កែរត់បុកប៉ោត”រួមជាមួយបទ”រាំអីចេះ” ក្នុងឱកាសបុណ្យចូលឆ្នាំថ្មី
សារព័ត៌មាន Cambodia News/
កម្សាន្ត (០៣ មេសា ២០១៧) ៖ ប្រមុខរាជរដ្ឋាភិបាលបានមានប្រសាសន៍ថាក្រៅពីបទ “រាំអីចេះ” នៅមានបទចម្រៀងប្រភេទសប្បាយៗមួយបទទៀតដែល សម្ដេចតេជោ ហ៊ុន សែន ត្រៀមរាំនៅអង្គរសង្ក្រាន្តឆ្នាំនេះដែរនោះគឺបទ”ឆ្កែរត់បុកប៉ោត”របស់អ្នកចំរៀងពេជ្រ សោភា។
បើតាមប្រសាសន៍របស់សម្ដេចនៅព្រឹកនេះក្នុងពិធីសម្ពោធដាក់ឲ្យប្រើប្រាស់មហាវិថីសម្ដេចតេជោ ហ៊ុន សែន ហៅផ្លូវ៦០ម៉ែត្របទចម្រៀងមួយបទថ្មីទៀតដែលសម្ដេចលើកឡើងនេះ មានចំណងជើងថា “ឆ្កែរត់បុកប៉ោត” ជា របស់ហង្សមាសដូចបទ”រាំអ៊ីចេះ”ដែរតែច្រៀងដោយពេជ្រ សោភា។
ដំបូងឡើយសម្ដេចនាយករដ្ឋមន្ត្រី ថ្លែងពីការឡើងស្រកនៃគីឡូរបស់សម្ដេច ហើយថា ប្រសិនបើគីឡូធ្លាក់ដល់៧៦គីឡូក្រាម ឆ្នាំនេះ សម្ដេចនឹងរាំទៀតក្នុងបទ “រាំអីចេះ” និងបទ “ឆ្កែរត់បុកប៉ោត”។
គួររម្លឹកថា កាលពីឆ្នាំមុន នៅអង្គរសង្ក្រាន្តសម្តេចនាយករដ្ឋមន្ត្រីបានអញ្ជើញទៅរាំបទ”ញីកែងជើង”របស់ងួន ចាន់ដេវីដដែលជាតារាងចម្រៀងរ៉េបរបស់ពេជ្រ សោភា ដែលធ្វើឲ្យតារាចម្រៀងទាំងពីរនេះឡើងកូដកាន់តែខ្លាំងផងដែរ៕
