បែកគ្នាមួយឆ្នាំជួបវិញចងរួមភេទ ប្រពន្ធមិនឲ្យ កាប់៣កាំបិត
សារព័ត៌មាន Cambodia News/
កំពង់ស្ពឺ (២៥ មករា ២០១៧) ៖ បុរសជាជនជាតិម្នាក់ខឹងប្រពន្ធមិនឲ្យរួមភេទ កាប់៣កាំបិតបុ័ងតោ ត្រូវសមត្ថកិច្ចនគបាលក្រុងច្បារមនចាប់ខ្លួន កាលពីវេលាម៉ោង ៣ និង ៥០នាទីទៀបភ្លឺ ថ្ងៃទី២៥ ខែមករា ឆ្នាំ២០១៧ នៅភូមិត្រស់សាលា សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។
បុរសជាជនជាតិចិនដែលត្រូវឃាត់ខ្លួនក្នុងករណីប្រើអំពើហិង្សាខាងលើត្រូវបានមន្ត្រីនគរបាលក្រុងច្បារមនឲ្យដឹងថា មានឈ្មោះ តូវ ឈិនហ័ង អាយុ៣៣ឆ្នាំ បានប្រើអំពើហិង្សាកាប់ប្រពន្ធឈ្មោះ អ៊ែន អាម៉ី អាយុ២១ឆ្នាំ រស់នៅភូមិត្រស់សាលា សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ៣កាំបិតបុ័ងតោក្រោមភ្នែកឆ្វេង១កាំបិត កដៃស្ដាំ១កាំបិត និងស្មាស្តាំ១កាំបិតដេ៨ថ្នេរ។
ចំណែកស្ត្រីរងគ្រោះបានបញ្ជាក់ថា មុនពេលកើតហេតុ បុរសជាប្តីបានបង្ខំរួមភេទ តែគាត់មិនព្រម ទើបធ្វើឲ្យជនសង្ស័យខឹងបានយកកាំបិតមកកាប់គាត់តែម្ដង។
ក្រោយពីជនសង្ស័យធ្វើសកម្មភាពកាប់ប្រពន្ធ៣កាំបិតបុ័ងតោ ត្រូវជនរងគ្រោះដាក់ពាក្យបណ្តឹងឲ្យចាប់ខ្លួន យកមកសាកសួរ និងកសាងសំណុំរឿងបញ្ជូនទៅស្នងការនគរបាលខេត្តកំពង់ស្ពឺ ចាត់ការតាមនីតិវិធី៕
