បុគ្គលិកប្រេងកាល់តិចបន្តធ្វើកូដកម្ម ខណៈមិនទាន់មានដំណោះស្រាយ
សារព័ត៌មាន Cambodia News/
ភ្នំពេញ (១៩ ឧសភា ២០១៤) ៖ ព្រឹកថ្ងៃទី១៩ ឧសភា នេះ បុគ្គលិកស្ថានីយប្រេងកាល់តិចនៅតែនាំគ្នាបន្តធ្វើកូដ កម្ម បន្ទាប់ពីការតវ៉ារបស់ពួកគេ រយៈពេល៧ថ្ងៃមកហើយពុំទាន់មានដំដោះស្រាយណាមួយដែលអា ចទទួលយកបាននោះ។
ទោះបីជាយ៉ាងណាការតវ៉ានេះពុំបានលើកបដាដូចថ្ងៃមុនដំបូងឡើយ គឺពួកគេគ្រាន់តែមកអង្គុយលេង និងខ្លះទៀតមិនបានមក ។ ចំណែកស្ថានីយត្រូវបានក្រុមហ៊ុនព័ទ្ធខ្សែហើយម៉ាតត្រូវបានចា ក់សោទុកចោល។
ការតវ៉ាជាថ្មីនេះ ដោយសារតែខាងតំណាងក្រុមហ៊ុនមិនបានគោរព ការសន្យា ដោយសន្យាថា ជួយឧបត្ថម្ភចំនួន២០ដុល្លារក្នុងថ្ងៃធ្វើកូដកម្ម និងសំណូមពរឱ្យបុគ្គលិកចូលធ្វើការងារវិញ ហើយទុករយៈពេល២ខែ ដើម្បីសិក្សាពីបញ្ហាដំឡើងប្រាក់ខែឱ្យបុគ្គលិក។
គួរបញ្ជាក់ថា បុគ្គលិកក្រុមហ៊ុនឈេហ្វរ៉ុន (CHEVRON) ខេមបូឌាលីមីតធិត ដែលជាក្រុមហ៊ុនប្រេងកាល់តិចរបស់អាមេរិក បានបញ្ឈប់ការចាក់សាំងហើយលើកបដាព្រោងព្រាត កាលពីវេលាម៉ោង៥ព្រឹកថ្ងៃទី១២ ឧសភា ប្រយោជន៍ដើម្បីទាមទារប្រាក់ខែចំនួន១៦០ដុល្លារនិងលក្ខខណ្ឌ ការងារមួយចំនួនទៀត ៕
