រថយន្តឡិចស៊ីស បើកបុកម៉ូតូ របួសធ្ងន់ ៤នាក់
ភ្នំពេញ៖ កាលពីវេលាម៉ោង ២២និង៣០នាទីយប់ ថ្ងៃទី២១ ខែកុម្ភៈ បុរស៤នាក់ជិះម៉ូតូមួគ្រឿង ត្រូវរថយន្តបុក មុខផ្ទះលេខ៤៥ ក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ បណ្ដាលឲ្យបុរស៤នាក់ ដែលជិះម៉ូតូ ខ្លះបាក់ដៃ ខ្លះបាក់ជើង បញ្ជូនទៅសង្គ្រោះនៅមន្ទីរពេទ្យទាំងអស់។
មុនពេលកើតហេតុ បុរស៤នាក់ជិះម៉ូតូមួគ្រឿងម៉ាកវ៉េវ ពាក់ស្លាកលេខភ្នំពេញ 1L-0716 ជិះឌុបគ្នាក្នុងទិសដៅ ពីត្បូងទៅជើង តាមបណ្ដោយផ្លូវហាណូយ លុះមកដល់ចំណុច ក៏ត្រូវរថយន្តឡិចស៊ីស RX300 ពណ៌ស្ករ មិនស្គាល់ស្លាកលេខ បានបើកបុកម៉ូតូពេញទំហឹង។
បន្ទាប់ពីកើតហេតុ រថយន្តបង្កបានបើករត់គេចខ្លួនបាត់ស្រមោលភ្លាមៗ ចំណែកឯម៉ូតូ ត្រូវរងការខូចខាតទាំងស្រុង ហើយត្រូវសមត្ថកិច្ចស្ទូចយករក្សាទុកនៅអធិការដ្ឋានខណ្ឌសែនសុខ រងចាំក្រុមគ្រួសារ មកធ្វើលិខិតមកទទួលយកទៅវិញ ព្រោះដោយសារភាគីបង្ករត់គេចខ្លួនបាត់៕ ហេង នាង
