ឃាតករ សម្លាប់បុគ្គលិកគ្រឹះស្ថានមីក្រូហិរញ្ញវត្ថុស្ថាបនាលីមីតធីតគឺ ស្ត្រីជាប្រពន្ឋ
ស្វាយរៀង៖ កាលពីវេលាម៉ោង៥និង៣០នាទី ព្រឹក ថ្ងៃទី១០ សីហា ២០១៣ នៅភូមិតារាងបាល់ សង្កាត់គយត្របែក ក្រុងស្វាយ រៀង បុរសម្នាក់ បានស្លាប់យ៉ាងអាណោចអាធ័មនៅក្នុងថ្លុកឈាម ដោយការកាប់ប្រហារ ចំនួន១២កាំបិត គឺ១១កាំបិតចំក្បាល និង១កាំបិតជិតដាច់ក។
ឃាតករកាប់សម្លាប់បុគ្គលិកគ្រឹះស្ថាន មីក្រូហិរញ្ញវត្ថុស្ថាបនាលីមីតធីត គឺប្រពន្ឋជនរងគ្រោះ ដោយនាងបានរៀបចំឆាក ចោទថាមានមិត្តភក្តិទូរស័ព្ទហៅប្តីរបស់ខ្លូន ទៅផឹកស៊ីរួចប្លន់សម្លាប់យកចិញ្ចៀន ពេជ្រមួយវង់តម្លៃ១២០០ដុល្លារ និងទូរស័ព្ទម៉ាកអាយហ្វូនមួយគ្រឿងតម្លៃជាង៤០០ដុល្លារ ។
បើតាមចម្លើយសារភាពរបស់ស្ត្រីជាប្រពន្ឋឱ្យដឹងថា ការដែលនាងលើកដៃកាប់ប្រហារប្តី ដោយសារខឹងប្តីដើរផឹកស៊ីស្ទើររាល់ថ្ងៃ មិនគិតពីប្រពន្ឋកូន ហើយពេលត្រឡប់មកវិញតែងរករឿងឈ្លោះប្រកែកវាយដំរូបនាងទៀត ។
បើតាមមន្ត្រីសមត្ថកិច្ចឱ្យដឹងថា ជនរងគ្រោះឈ្មោះ ស៊ាង ប៉េងស្រ៊ឺអាយុ២៧ឆ្នាំ ជាបុគ្គលិកគ្រឹះស្ថានមីក្រូហិរញ្ញវត្ថុស្ថាបនាលីមីតធីត នៅខេត្តស្វាយរៀង មានទីលំនៅក្នុងភូមិ-ឃុំខាងលើ ប្រពន្ធឈ្មោះ គូ ចិន្តានី អាយុ២១ឆ្នាំ មានកូនស្រី១នាក់អាយុ១៤ខែ៕ Cambodia News
