ប្រាក់ឈ្នួលអប្បបរមា កម្មករកាត់ដេរសម្រាប់ឆ្នាំ ២០១៧ ចាប់ផ្ដើមប្រជុំពិភាក្សា
សារព័ត៌មាន Cambodia News/
ភ្នំពេញ (០៩ កញ្ញា ២០១៦) ៖ នៅទីស្ដីការក្រសួង ការងារ និងបណ្ដុះបណ្ដាលវិជ្ជាជីវៈ នាថ្ងៃទី០៩ ខែកញ្ញា នេះ គណៈកម្មការបច្ចេកទេសត្រីភាគី ដែលមានភាគីរាជរដ្ឋាភិបាល ភាគីនិយោជក និងភាគីសហជីព បានជួបជុំគ្នាពិភាក្សា ពីប្រាក់ឈ្នួលអប្បបរមា នៅកម្ពុជា ឆ្នាំ២០១៧ សម្រាប់កម្មករ និយោជិតផ្នែកវាយនភ័ណ កាត់ដេរសម្លៀកបំពាក់ និងផលិតស្បែកជើង ព្រមទាំងបញ្ហាមួយចំនួនពាក់ព័ន្ធនឹងប្រាក់ឈ្នួល ។
លោក សោម អូន ប្រធានសភាសម្ព័ន្ឋសហជីពជាតិកម្ពុជា ៖បានឱ្យដឹងថា បញ្ហាប្រាក់ឈ្នួលអប្បរមា របស់កម្មករហើយការចរចានេះ ក៏ធ្វើទៅតាមកាលវិភាគ ដែលបានដាក់ជូនដោយក្រសួងការងារ ហើយការពិភាក្សានិងបញ្ចប់នៅខែតុលា ឆ្នាំ២០១៦ខាងមុខ។
លោកសោមអូន បានបន្តទៀតថា ការពិភាក្សាប្រាក់ឈ្នួល ក្នុងខែកញ្ញានេះ ប្រហែលជាធ្វើឡើង២ទៅ៣ដងទៀត មុននឹងឈានទៅសម្រេច។
លោកសោមអូន បានបញ្ជាក់ថា ការពិភាក្សានៅពេលនេះនិងរកចំនុចកណ្តាលតាមលក្ខណៈបច្ចេកទេសនៃក្រុមការងារនិងក្រុមប្រឹក្សាការងារដោយឈរលើគោលការគិតពីប្រយោជន៏កម្មករកម្មការិនីក្នុងឧស្សាហកម្មកាត់ដេរ និងផលិតស្បែកជើង៕
