កូនប្រុសស្រវឹងស្រាវាយឪពុករហូតស្លាប់
សារព័ត៌មាន Cambodia News/
បាត់ដំបង (៣១ សីហា ២០១៦) ៖ បុរសម្នាក់ជាកូនប្រុសបានផឹកស្រាស្រវឹងហើយយកពូថៅវាយឪពុកអាយុ៧៥ឆ្នាំរហូតស្លាប់ បង្កឲ្យមានការភ្ញាក់ផ្អើល និងតក់ស្លុតដល់ប្រជាពលរដ្ឋមូលដ្ឋានកាលពីរសៀលថ្ងៃទី៣០ ខែសីហា ឆ្នាំ២០១៦ នៅចំណុចក្រុម៥ភូមិ អន្លង់តាម៉ី ឃុំឈើទាល ស្រុកបាណន់ ខេត្តបាត់ដំបង។
មន្ត្រីសមត្ថកិច្ចបានឲ្យដឹងថា ជនដៃដល់ឈ្មោះ ស៊ើត ស៊ីន អាយុ៣៥ឆ្នាំ រស់នៅក្រុម៥ភូមិអន្លង់តាម៉ី ឃុំឈើទាល ស្រុកបាណន់ ខេត្តបាត់ដំបង។ ជននេះបានប្រើប្រាស់ពូថៅវាយទៅលើ ឪពុកបង្កើតរបស់ខ្លួន ឈ្មោះ ដែង ស៊ើត អាយុ ៥ឆ្នាំរស់នៅកន្លែងកើតហេតុ បណ្តាលឲ្យស្លាប់។
មន្ត្រីនោះបានឲ្យដឹងទៀតថាដោយជននេះជាម នុស្សស្រវឹងខួបស្ទើរគ្មានស្មារតីជាមនុស្សហើយតែងរករឿងឪពុករាល់ថ្ងៃ ដើម្បីបានលុយទិញស្រាផឹកដែលគ្រួសារគាត់គឺមានតែពីរនាក់ឪពុកនិង កូនប៉ុណ្ណោះ។ក្រោយកើតហេតុកម្លាំងជំនាញនៃអធិការដ្ឋាននគរបាលស្រុក បាណន់បានចុះទៅដល់កន្លែងកើតហេតុ និងបានធ្វើការឃាត់ខ្លួនជនសង្ស័យដើម្បីរៀបចំសំណុំរឿងបញ្ជូនទៅតុលាការ ចាត់ការតាមផ្លូវច្បាប់៕
