ផ្ទះ៨៧ខ្នងនៅស្ទឹងត្រែង រងការខូចខាតដោយសារព្យុះ និងភ្លៀង
Cambodia News
ស្ទឹងត្រែង៖ កាលពីម៉ោង១៧រសៀល ថ្ងៃទី២៨ ខែឧសភា ឆ្នាំ២០១៣ កន្លងទៅ មានភ្លៀង១មេយ៉ាងធំ លាយឡំនឹងខ្យល់ព្យុះកំបុតត្បូង បានធ្វើឲ្យអគារ និងលំនៅដ្ឋានរបស់ប្រជាពលរដ្ឋប្រមាណ៨៧ខ្នង នៅក្នុងក្រុងស្ទឹងត្រែង ដួលរលំ និងប៉ើងដំបូលខ្ចាត់ខ្ចាយ។
ប្រជាពលរដ្ឋនៅក្នុងខេត្តស្ទឹងត្រែងបានឲ្យដឹងថា ពួកគាត់ពុំដែលបានឃើញភ្លៀងធ្លាក់មានលាយឡំទៅដោយដុំទឹកកកតូចៗ ដូច្នេះទេពីមុនមក ហើយហេតុការណ៍នេះ បានធ្វើឲ្យប្រជាពលរដ្ឋទូទាំងខេត្តមានការងឿងឆ្ងល់ និងតត់ស្លុតជាខ្លាំង ដោយអ្នកខ្លះបារម្ភអំពីការប្រែប្រូលអាកាសធាតុ។
តាមរបាយការណ៍ជាបឋមរបស់សាលាក្រុងស្ទឹងត្រែង បានឲ្យបណ្តាញព័ត៌មានអប្សារាANNដឹងថា ភ្លៀង និងខ្យល់ព្យុះកាលពីយប់ថ្ងៃទី២៨ ខែឧសភា កន្លងទៅបានធ្វើឲ្យប៉ើងដំបូលផ្ទះ អស់៨៧ខ្នង ដើមឈើតូចធំដូលរលំអស់៣០ដើម រន្ទះបាញ់គោងាប់១ក្បាល មនុស្សរងរបួសស្រាលម្នាក់ និងស្លាកយីហោពាណិជ្ជកម្មធំៗជាច្រើនទៀតត្រូវរងការខូចខាត៕
