ម៉ូតូបុកម៉ូតូបាក់ជើងទាំង ២នាក់ម្ដាយនិងកូនស្រី
Cambodia News
ភ្នំពេញ៖ កាលពីវេលាម៉ោង៩និង១០នាទីព្រឹកថ្ងៃទី៥ ខែឧសភា ក្មេងស្រី អាយុ ២ឆ្នាំកន្លះបានបាក់ជើងឆ្វេងម្ខាង ចំណែក ស្ត្រីជាម្ដាយក៏បាក់ជើងខាងឆ្វេងផងដែរក្នុងករណីគ្រោះថ្នាក់ចរាចរ រវាងម៉ូតូនឹងម៉ូតូ បុកគ្នា នៅតាម បណ្ដោយផ្លូវជាតិលេខ១ ជិតផ្លូវចូលវត្តមុន្នី ក្នុងភូមិព្រែកធំ សង្កាត់ក្បាលកោះ ខណ្ឌមានជ័យ។
ភាគីម្ខាងជិះម៉ូតូម៉ាកគុបមូល ពណ៌ទឹកប៊ិច ពាក់ស្លាកលេខ កណ១-០៤៨៦ មានវ័យ ប្រហែលជា៥០ឆ្នាំ រងរបួសស្រាល ត្រូវបញ្ជូនមកសង្គ្រោះនៅមណ្ឌលសុខភាពក្បែរ កន្លែងកើតហេតុ។
ភាគីម្ខាងទៀតជិះម៉ូតូម៉ាកហុងដា សេ១១០ ស៊េរីឆ្នាំ២០១២ ពណ៌ខ្មៅ ពាក់ស្លាកលេខ ភ្នំពេញ 1BG-4816 ឌុបគ្នា៣នាក់ ក្នុងនោះម្ដាយនិងកូនស្រីជិះខាង ក្រោយមានឈ្មោះមួយ ហេង អាយុ៣២ឆ្នាំ មានទីលំនៅក្នុងក្រុងតាខ្មៅ ខេត្តកណ្ដាល រងរបួសបាក់ជើងខាងឆ្វេងមួយកំណាត់ ចំណែកក្មេងស្រីដែលអង្គុយ កណ្ដាលបាក់ជើងឆ្វេងផងដែរ ហើយអ្នកឌុបមិនស្គាល់អត្តសញ្ញាណឡើយ។
តាមប្រភពព័ត៌មាននៅកន្លែងកើតហេតុ បានឲ្យដឹងថា ស្ត្រីរងគ្រោះ២នាក់ម្តាយនិង កូនស្រីបានជិះម៉ូតូស៊េរីថ្មីជាមួយនឹងបុរសម្នាក់ទៀត ដោយបើកចេញពីវត្តមុនី ក្នុង បំណងឆ្លងផ្លូវជាតិលេខ១ ពីត្បូងមកជើង ពេលឆ្លងមកដល់លើផ្លូវស្រាប់តែបុរស ដែលជិះម៉ូតូគុបមូលបើកបរក្នុងទិសដៅពីកើតទៅលិច ទៅបុកចំជើងស្ត្រីរងគ្រោះ ដែលជិះខាងក្រោយ បណ្ដាលឲ្យបាក់ជើងម្តាយនិងកូន ហើយត្រូវ ដឹកតាមរថយន្តបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត។
ក្រោយកើតហេតុម៉ូតូទាំង២គ្រឿងត្រូវសមត្ថកិច្ចយកមករក្សាទុកនៅអធិការដ្ឋាននគរបាលខណ្ឌមាន ជ័យរង់ចាំដោះស្រាយតាមច្បាប់៕ ហេង នាង
