សារមន្ទីរគុកទួលស្លែង ដាក់បំរាម មិនឲ្យលេងហ្គេម Pokemon GO ក្នុងសារមន្ទី
សារព័ត៌មាន Cambodia News/
ភ្នំពេញ (១២ សីហា ២០១៦) ៖ សារមន្ទីគុកទទួលស្លែង ដែលជាសារមន្ទីរប្រវត្តិសាស្រ្តមួយកន្លែង នៅក្នុងប្រទេសកម្ពុជា បានដាក់ចេញនូវបំរាម ហាមឃាត់មិនឲ្យភ្ញៀវទេសចរ លេងហ្គេម Pokemon GO ក្នុងសារមន្ទីរទេ។
ការដាក់ចេញនូវបំរាមនេះ ព្រោះជាទីកន្លែងសោកនាដកម្ម និងសំបូរទៅដោយអ្នកទោសស្លាប់ កាលពីជំនាន់ប៉ុលពត ប៉ុន្តែបែរជាស្ថាបនិកដែលបង្កើតហ្គេម Pokemon GO បញ្ចូលទីតាំងមួយនេះ ទៅជាការលេងកម្សាន្តរបស់ខ្លួនដែរ។
ហ្គេមដែលទើបនឹងបង្កើតថ្មី Pokemon GO គឺជាហ្គេមប្លែកថ្មីមួយ ដែលកំពុងទទួលបានការចាប់អារម្មណ៍ទូទាំងពិភពលោក និងជាហ្គេមដែលបានបំបែកកំណត់ត្រា ជាហ្គេមពេញនិយមជាងគេក្នុងរយៈពេលខ្លីផងដែរ។
នៅពេលថ្មីៗកន្លងទៅនេះ Pokemon GO បានឈានខ្លួនចូលមកតំបន់អាស៊ីហើយ ដោយក្នុងនោះប្រទេសកម្ពុជាយើង ក៏អាចលេងហ្គេមនេះបានផងដែរ។ សូមបញ្ជាក់ផងដែរថា Pokemon GO គឺជាហ្គេមមួយដែលតម្រូវឲ្យអ្នកលេង ដើរ និងស្វែងរកចាប់សត្វនៅគ្រប់ទីតាំង ដែលមានជុំវិញខ្លួន ជាមួយប្រព័ន្ធអ៊ិនធើណេត និង GPS ៕
