ក្រសួងព័ត៌មាននឹងរៀបចំសិក្ខាសាលាស្តីពី និតិវិធីនិងច្បាប់បោះឆ្នោតនៅថ្ងៃទី៣០ សីហា ខាងមុខ
សារព័ត៌មានយុវវ័យថ្មី/
ភ្នំពេញ (១០ សីហា ២០១៦) ៖ ក្រសួងព័ត៌មាននឹងរៀបចំសិក្ខាសាលាស្តីពី និតិវិធីនិងច្បាប់បោះឆ្នោតនៃព្រះរាជាណាចក្រកម្ពុជា នៅថ្ងៃទី៣០ ខែសីហា ឆ្នាំ២០១៦ ខាងមុខ នៅទីស្តីការក្រសួងព័ត៌មាន។
ឯកឧត្តម ខៀវ កាញារិទ្ធ បានបញ្ជាក់នៅក្នុងលិខិតផ្ញើរជូនប្រធានមន្ទីរព័ត៌មានរាជធានីខេត្ត ក៏ដូចជាម្ចាស់ស្ថានីយវិទ្យុ ទូរទស្សន៍ ចាងហ្វាងសារព័ត៌មាន និងគេហទំព័រក្នុងស្រុកនានា ថា សិក្ខាសាលានេះ ធ្វើឡើងក្នុងគោលបំណង ផ្តល់អោយ មន្ត្រីព័ត៌មាន អ្នកសារព័តមាន និងពិធីករ ពិធីការនី បានស្វែងយល់ជ្រួតជ្រាបអំពីនីតិវិធីច្បាប់បោះឆ្នោត និងបទបញ្ជាតិនានា ដែលពាក់ពន្ធ័នឹងការផ្សព្វផ្សាយព័ត៌មានជូនសារធារណៈជន។
រដ្ឋមន្ត្រីក្រសួងព័ត៌មានបានចាត់ទុកថា សិក្ខាសាលានេះ គឺមានសារៈសំខាន់ណាស់សម្រាប់មន្ត្រីព័ត៌មាន អ្នកសារព័ត៌មាន និងពិធីករ ពិធីការនី នៅតាមវិទ្យុ ទូរទស្សន៍ ទាំងអស់ដើម្បីជាមូលដ្ឋានធ្វើអត្ថាធិប្បាយ សរសេរអត្ថបទសារព័ត៌មានទាក់ទងនឹងនីតិវិធីនិងច្បាប់បោះឆ្នោតនៃ ព្រះរាជាណាចក្រកម្ពុជា៕
