អាជ្ញាធរភ្នំពេញ ឯកភាពយកតម្រាយផ្លូវ ដង្ហែសព បណ្ឌិត កែម ឡី
សារព័ត៌មាន Cambodia News/
ភ្នំពេញ (២១ កក្កដា ២០១៦) ៖ នៅព្រឹកថ្ងៃទី២១ ខែកក្កដា នេះ នៅសាលារាជធានី លោក មាន ចាន់យ៉ាដា អ្នកនាំពាក្យ រដ្ឋបាលរាជធានីភ្នំពេញ បានឲ្យដឹងថា បន្ទាប់ពីប្រជុំជជែក និងពិភាក្សា មានរយៈពេលពីរថ្ងៃ រវាងអាជ្ញាធររាជធានីភ្នំពេញ ជាមួយក្រុមគ្រួសារសព បណ្ឌិត កែម ឡី ដែលត្រូវដង្ហែយកទៅបញ្ចុះ នៅខេត្តតាកែវ នៅថ្ងៃទី២៤ កក្តដា ខាងមុខនេះ។ ក៏ប៉ុន្តែអាជ្ញាធរ មិនតម្រូវឲ្យមានការដង្ហែដោយថ្មើរជើង និងស្រែកជ័យឃោស ឬលើកបដា ដែលពាក់ព័ន្ធជាមួយនយោបាយឡើយ ។
ជា លទ្ធផលចុងក្រោយ អាជ្ញាធរភ្នំពេញ បានឯកភាពយកតម្រាយផ្លូវ តាមគ្រួសារសពវិញហើយ គឺហែចេញពីវត្តចាស់ ឆ្លងកាត់ស្ពានជ្រោយចង្វារ បត់តាមមហាវិថីព្រះមុនីវង្ស ដល់ស្តុបបេកាសេ រួចបត់ស្តាំ តាមបណ្ដោយមហាវិថី សហព័ន្ធរស្ស៊ី ដល់រង្វង់មូលចោមចៅ រួចតម្រង់ឆ្ពោះទៅកាន់ផ្លូវជាតិលេខ៣ ដើម្បីបន្តដំណើរ ទៅកាន់ភូមិអង្គតាកុប ឃុំលាយបូ ស្រុកត្រាំកក់ ខេត្តតាកែវ តែម្តង ៕
