កម្ពុជា ច្រានចោលរបាយការណ៍ប្រចាំឆ្នាំស្ដីពីការជួញដូរមនុស្ស
Cambodia News
ភ្នំពេញ៖ កាលពីថ្ងៃទី២០ មិថុនា អ្នកនាំពាក្យ រាជរដ្ឋាភិបាលកម្ពុជា លោក ខៀវ កាញារីទ្ធ បានថ្លែង អះអាងថា ក្នុងការទប់ស្កាត់ការ ជួញដូរមនុស្ស បច្ចុប្បន្នរាជរដ្ឋាភិបាល កម្ពុជា បានខិតខំប្រឹងប្រែងជាខ្លាំង ប៉ុន្តែយ៉ាង ណាក៏ដោយ ដើម្បីទប់ស្កាត់បញ្ហាជួញដូរមនុស្ស ដាច់ខាត ត្រូវទាមទារឲ្យមាន កិច្ចសហការគ្នា រវាងប្រទេស និង ប្រទេស រួមទាំងស្ថាប័នទាំងអស់ ផងដែរ។
ថ្លែងប្រាប់អ្នកសារព័ត៌មាន បន្ទាប់ពីចូលរូមសម្ពោធដាក់ ឲ្យដំណើរ ការផ្សាយ ជាផ្លូវការរបស់វិទ្យុបារាំង ដែលផ្សាយជាខេមរភាសា នៅមជ្ឈមណ្ឌលកាណាឌីយ៉ា លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានមានប្រសាសន៍ថា បច្ចុប្បន្ននេះរាជរដ្ឋាភិបាលកម្ពុជា បានខិតខំប្រឹងប្រែង ឥតឈប់ឈរ ដើម្បីទប់ស្កាត់ការជួញដូរ មនុស្ស ប៉ុន្តែសូម្បីតែ សហរដ្ឋអាមេរិក បញ្ហាជួញដូរមនុស្ស នៅតែកើតមានឡើង។
លោកបន្ត ថា ដូច្នោះហើយបញ្ហាការពារការជួញដូរ មនុស្សទាមទារឲ្យមាន ការចូលរួមសហការ គ្នារវាងប្រទេស និងប្រទេស ស្ថាប័នទាំងអស់ផងដែរ ព្រោះរឿងជូញដូរគឺជារឿងឧក្រិដ្ឋកម្មមួយដ៏ធំ ដូច្នេះហើយ រាជរដ្ឋាភិបាលមិនអាចធ្វើតែម្នាក់ឯងបានទេ ហើយរាជ រដ្ឋាភិបាល កម្ពុជា មិនបាននៅពីក្រោយខ្នងនៃការជួញដូរ មនុស្សនោះទេ៕
