សម្តេចតេជោ នឹងបើកយុទ្ធនាការជួបមន្ត្រីរាជការ-ប្រជាពលរដ្ឋ ២៥ខេត្តក្រុង
សារព័ត៌មាន Cambodia News/
ភ្នំពេញ) ៖ តាមរយៈទំព័រហ្វេសប៊ុកសម្ដេចផ្ទាល់ ដែលបានបង្ហោះកាលយប់ថ្ងៃទី២០ ខែកក្កដា ឆ្នាំ២០១៦ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសថាសម្តេចនឹងបើកយុទ្ធនាការជួបសំណេះសំណាលដោយផ្ទាល់ជាមួយ មន្ត្រីរាជការ និងប្រជាពលរដ្ឋនៅទូទាំងប្រទេស។
តាម ទំព័រហ្វេសប៊ុកក៏បានឱ្យដឹងដែរថា ខេត្តបាត់ដំបូងជាខេត្តដំបូងគេដែលសម្តេចចាប់ផ្តើមបន្ទាប់ពី ខេត្តបាត់ដំបងថ្ងៃនេះហើយថ្ងៃស្អែកសម្តេចនឹងបន្តដំណើរទៅ ខេត្តបន្ទាយមានជ័យ និងខេត្តសៀមរាប បន្ទាប់មកគឺខេត្តកំពង់ធំ។
នៅ ក្នុងសារសម្តេចបានរៀបរាប់ថា “នៅរសៀលថ្ងៃនេះ ខ្ញុំសប្បាយរីករាយណាស់ដែលបានជួបសំណេះសំណាលជាមួយមន្ត្រីរាជការ របស់ យើងនៅខេត្តបាត់ដំបង នេះជាខេត្តទី១ ដែលខ្ញុំបានចាប់ធ្វើពិធីនេះមុនគេហើយជាបន្ទាប់មកគឺនឹងធ្វើនៅ គ្រប់ទូទាំង២៥ រាជធានី ខេត្តក្រុង។
បន្ទាប់ពីខេត្តបាត់ដំបង ថ្ងៃនេះ គឺថ្ងៃស្អែកខ្ញុំនឹងបន្តដំណើរទៅខេត្តបន្ទាយមានជ័យនិងខេត្តសៀម រាប ហើយបន្ទាប់មកគឺខេត្តកំពង់ធំ។ នេះជាឱកាស ដែលខ្ញុំត្រូវតែចុះសួរសុខទុក្ខបងប្អូនមន្ត្រីរាជការ ប្រជាពលរដ្ឋព្រមទាំងពិនិត្យអំពីសមិទ្ឋិផលនៅតាមបណ្តាខេត្ត និងបញ្ហាប្រឈមនានា”៕
