ប្រទះឃើញយុវជនម្នាក់ដេកស្លាប់នៅក្នុងបន្ទបជួល
សារព័ត៌មាន Cambodia News/
ភ្នំពេញ (០៦ កក្កដា ២០១៦) ៖ និស្សិតពេទ្យឆ្នាំទី៥ម្នាក់ ត្រូវបានគេប្រទះឃើញដេកស្លាប់នៅក្នុងថ្លុកឈាម ក្នុងបន្ទបជួល១កន្លែង យ៉ាងអាណោចអាធ័ម ស្ថិតនៅភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ នារសៀលថ្ងៃទី៦ ខែកក្កដា ឆ្នាំ២០១៦នេះ ដោយមិនទាន់ដឹងមូលហេតុថាជាករណីឃាតកម្ម ឬក៏ជាករណីអត្តឃាតសម្លាប់ខ្លួនឯងនៅឡើយទេ។
និស្សិតពេទ្យ ដែលដេកស្លាប់នៅក្នុងថ្លុកឈាមក្នុងបន្ទបជួល១កន្លែង នៅខណ្ឌពោធិ៍សែនជ័យ មិនទាន់ដឹងមូលហេតុថា ជាករណីអារ.កសម្លាប់ខ្លួនឯង ឬក៏ត្រូវជនមិនស្គាល់មុខអារ.កសម្លាប់នៅឡើយទេ ? ព្រោះពេលនេះសមត្ថកិច្ចកំពុងស្រាវជ្រាវយ៉ាងយកចិត្តទុកដាក់ផងដែរ។
តាម ប្រភពព័ត៌មាន ជនរងគ្រោះមានឈ្មោះ កែវ វុទ្ធី អាយុ២៥ឆ្នាំ ជានិស្សិតពេទ្យឆ្នាំទី៥។ យ៉ាងណាក៏ដោយ នៅពេលនេះ កម្លាំងសមត្ថកិច្ច បាននិងកំពុងជួយអន្តរាគមន៍ និងស្រាវជ្រាវតាមចាប់ជនដៃដល់៕
