ព្រះមហាក្សត្រ និងសម្តេចម៉ែយាងទៅចិននៅថ្ងៃនេះ
សារព័ត៌មាន Cambodia News/
ភ្នំពេញ ( ០៥ កក្កដា ២០១៦) ៖ ព្រះករុណា ព្រះបាទសម្តេចព្រះ បរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ នឹងយាងទៅពិនិត្យព្រះរាជសុខភាពនៅទីក្រុងប៉េកាំងសាធារណរដ្ឋ ប្រជាមានិតចិន នៅវេលាម៉ោង៩ព្រឹក ថ្ងៃទី០៥ ខែកក្កដា ឆ្នាំ២០១៦នេះ ។
តាម គម្រោងយាងនិងអញ្ជើញជូនព្រះរាជដំណើរព្រះមហាក្សត្រ និងសម្តេចម៉ែ មានសម្តេចចក្រី ហេង សំរិន, សម្តេចតេជោ ហ៊ុន សែន សមាជិកព្រឹទ្ធសភា សមាជិករដ្ឋសភា មន្ត្រីរាជរដ្ឋាភិបាល និងញាតិវង្សានុវង្សជាច្រើនអង្គ/រូប ។
ជាការកត់សម្គាល់ ព្រះមហាក្សត្រ និង សម្តេចម៉ែ តែងតែយាងទៅពិនិត្យព្រះរាជសុខភាពនៅទីក្រុងប៉េកាំងរៀងរាល់៦ខែ ម្តង តាមការយាងរបស់ក្រុមវេជ្ជបណ្ឌិតចំណានៗរបស់ចិន ៕
