រថយន្តបុក និងម៉ូតូ កិនស្រ្តី២នាក់បែកក្បាលខ្ទេចស្លាប់ភ្លាមៗ
សារព័ត៌មាន Cambodia News/
ភ្នំពេញ (០១ មេសា ២០១៦) ៖ ស្ត្រីម្នាក់ និងក្មេងស្រីម្នាក់ទៀត ត្រូវបានរថយន្តហ៊ីយ៉ាន់ដាយ បុក កិនបែកក្បាលស្លាប់ភ្លាមៗ ខណៈកំពុងជិះម៉ូតូ នៅរសៀលថ្ងៃទី៣១ ខែមីនានៅចំណុច វត្តជោគមង្គលភូមិផ្សារលិច សង្កាត់ព្រែកព្នៅខណ្ឌ ព្រែកព្នៅ។
ជនរងគ្រោះអ្នកបើកម៉ូតូ ហ៊ុន ម៉េច អាយុ ២១ឆ្នាំ ភេទ ស្រី ( ស្លាប់នៅកន្លែងកើតហេតុ ) មានទីលំនៅភូមិឃុំ សំរោងទង ស្រុកសំរោងទង ខេត្ត កំពង់ស្ពឺ , អ្នកជិះកណ្តាល ឈ្មោះ សុខ ឆេងអ៊ាន ភេទស្រី អាយុ១១ឆ្នាំ មានទីលំនៅដូចគ្នា ( បានស្លាប់ នៅកន្លែងកើតហេតុ ) ចំណែកអ្នកជិះពីក្រោយ ត្រូវជាម្តាយ ជា វឿន ភេទ ស្រី អាយុ ៣១ឆ្នាំ មានទីលំ ដូចគ្នា រងរបួលស្រាល។
សាក្សីនៅកន្លែងហើតហេតុបានអោយដឹងថា គ្រោះថ្នាក់នេះ កើតឡើងរវាង រថយន្ត ម៉ាក ហ៊ីយ៉ាន់ដាយ ពណ៍ ត្រួយចេកសរ លេខ ព្រះសីហនុ 3A 1328 ( អ្នកបើកបរ រត់គេចខ្លួនបាត់) ទិសដៅពីត្បូងទៅជើងបា នបុកនិង ម៉ូតូមួយគ្រឿង ម៉ាកហុងដា ពណ៍ ខ្មៅលេខ ភ្នំពេញ 1CT 9806 មានគ្នាបីនាក់ ទិសដៅពីត្បូង ទៅជើង ៕
