បន្តបើកសវនាការ ជំនុំជម្រះក្តីជាលើកទី៣ លើសកម្មជនអ្នកតវ៉ា ទាំង២១នាក់
សារព័ត៌មាន Cambodia News/
ភ្នំពេញ (២០ ឧសភា ២០១៤) ៖ នៅព្រឹកថ្ងៃទី២០ ខែឧសភា នេះ សាលាដំបូងរាជធានីភ្នំពេញ បានបន្តបើកសវនាការជាលើកទី៣ ជំនុំជម្រះក្តី លើក្រុមសកម្មជនអ្នកតវ៉ាទាំង២១នាក់ រួមទាំងលោក វ៉ន ពៅ ប្រធានសមា គមប្រជាធិបតេយ្យ នៃសេដ្ឋកិច្ចក្រៅប្រព័ន្ធ។
ការបើកសវនាការជាលើកទី៣នេះ ការរក្សាសន្តិសុខនៅជុំវិញបរិវេណសាលា ដំបូងរាជធានីភ្នំពេញ ត្រូវបាន ពង្រឹងយ៉ាងខ្លាំងក្លាដដែល ដោយកម្លាំងសមត្ថកិច្ច រថយន្តពន្លត់អគ្គិភ័យ និងរបង បន្លាសត្រូវបានគេដាក់ឡោម ព័ទ្ធ និងត្រៀមរួចជាស្រេចក្លាចមានបង្កការអុកឡុកពីក្រុមអ្នកតវ៉ា។
សូមបញ្ជាក់ថា ក្រុមអ្នកតវ៉ាទាំង ២១នាក់ ត្រូវសាលាដំបូងរាជធានីភ្នំពេញ សម្រេចឃុំខ្លួនជាបណ្តោះអាសន្ននៅ មណ្ឌលកែប្រែត្រពាំងផ្លុង ក្នុងខេត្តកំពង់ចាម ក្រោយការផ្ទុះអំពើហិង្សាជាមួយសមត្ថកិច្ចនៅតំបន់សេដ្ឋកិច្ចពិសេស ភ្នំពេញ និងលើផ្លូវវ៉េងស្រេងកាលពីថ្ងៃទី២-៣ ខែមករា ឆ្នាំ២០១៤៕
