សាលារាជធានីធ្វើការពង្រីកកំណាត់ផ្លូវជាតិលេខ៤ សង់ស្ពានអាកាសថ្មេីរ
សារព័ត៌មាន Cambodia News/
ភ្នំពេញ (២៣ មីនា ២០១៦) ៖ កាលពីព្រឹកថ្ងៃទី២២ ខែមីនា ឆ្នាំ ២០១៦ ឯកឧត្តមអភិបាលរាជធានីភ្នំពេញ ជាអធិបតីក្នុងអង្គប្រជុំស្តីពីការរៀបចំបទបង្ហាញលទ្ឋផលលម្អិតនៃសន្និសីទជាតិស្តីពីស្ថានភាពប្រជាជននៅតាមផ្លូវ និងពិភាក្សាពីទម្រង់នៃកិច្ចសហប្រតិបត្តិការរវាងអាជ្ញាធរពាក់ព័ន្ឋរបស់រាជធានីភ្នំពេញ ដែលរួមមានបួនចំនុច :
ទី១- ពិនិត្យត្រៀមកម្មវិធីសម្ភោធអាគាររដ្ឋបាលថ្មីរបស់សាលារាជធានីភ្នំពេញ ដែលកម្មវិធីប្រារព្ធនៅថ្ងៃទី០៥ ខែមេសា ឆ្នាំ ២០១៦ ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។
ទី២– គម្រោងស្ថាបនាពង្រីកកំណាត់ផ្លូវជាតិលេខ៤ ប្រវែង ១៧៥០ម ចាប់ពីរង្វង់មូលចោមចៅដល់ផ្លូវកប់ស្រូវ និងសាងសង់ស្ពានអាកាសថ្មេីរជេីងនៅមុខវិទ្យាល័យហ៊ុន សែន ជម្ពូវ័ន្ត។
ទី៣- ការរៀបចំសួនច្បារមុខវត្តបុទុមវត្តីឲ្យកាន់តែល្អប្រសើរឡើង ទាំងហេដ្ឋរចនាសម្ព័ន្ឋ សោភណ្ឌភាព អនាម័យ កន្លែងកុមារកំសាន្ត អាហារដ្ឋាន ចំណត់យានយន្ត បន្ទប់ទឹកអនាម័យសាធារណៈ រួមទាំងអស់ ដែលក្នុងនោះក៏យើងគិតផងដែរនូវការប្រើប្រាស់ឲ្យកាន់តែងាយស្រួលដល់ជនពិការផងដែរ សូមបញ្ជាក់ផងដែរថាសួនច្បារនេះមានផ្ទៃដីប្រមាណជាង ៤,៩០០ ហិចតា។
ទី៤- ការរៀបចំថ្វាយព្រះពរព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្តារៈដ៏ខ្ពង់ខ្ពស់បំផុតនៃប្រជាពលរដ្ឋខ្មែរនៃយើង ដែលត្រូវបានផ្តួចផ្តើមឡើងដោយសហភាពសហព័ន្ឋយុវជនកម្ពុជា៕
