ក្រសួងសុខាភិបាលអំពាវនាវដល់អ្នកលក់ម៉ាស់ទាំងអស់កុំតម្លើងថ្លៃ
សារព័ត៌មាន Cambodia News/
ភ្នំពេញ (២៧ មករា ២០២០) ៖ ដើម្បីជាកិច្ចចូលរួម ការពារសុខភាពផ្ទាល់ខ្លួន លើការចម្លង និងចូលរួមទប់ស្កាត់ការចម្លងវីរុសកូរ៉ូណាថ្មី (2019-nCoV) ក្រសួងសុខាភិបាល បានធ្វើការអំពាវនាវ ដល់អ្នកដែលលក់ម៉ាស់ (mask) ទាំងអស់នៅក្នុងព្រះរាជាណាចក្រកម្ពុជា សូមដោយកុំតម្លើងថ្លៃម៉ាស់ ទុកលទ្ធភាពឲ្យបងប្អូនប្រជាពលរដ្ឋ មានតម្រូវការប្រើម៉ាស់ អាចទិញប្រើបានផង។
យោងតាមបណ្ដាញសង្គមហ្វេសប៊ុករបស់ក្រសួងសុខាភិបាល នៅថ្ងៃទី២៧ មករានេះ បានបញ្ជាក់ថា «ទន្ទឹមនឹងនោះ សូមបងប្អូនប្រជាពលរដ្ឋយល់ដឹងថា ប្រសិនបើមិនមានម៉ាស់ទេនោះ ក៏អាចប្រើកន្សែង ឫក្រដាសជូតមាត់ សម្រាប់ទប់មាត់នៅ ពេលក្អកកណ្តាស់បាន ហើយត្រូវលាងដៃភ្លាមក្រោយ ពេលក្អកកណ្តាស់ជាមួយសាប៊ូ និងទឹកស្អាត»៕
