ស្លាប់ជនស៊ីវិលជិត ៣០នាក់ដោយសារការប្រហារតាមអាកាសរបស់ក្រុមចម្រុះអាមេរិក
សារព័ត៌មាន Cambodia News/
ស៊ីវិល (០៨ ធ្នូ ២០១៥) ៖ ជនស៊ីវិលប្រមាណ២៦នាក់ក្នុងនោះមានកុមារជាច្រើននាក់បានស្លាប់បាត់បង់ជីវិតនៅភាគឦសាន ប្រទេសស៊ីរី។ មូលហេតុនៃការស្លាប់នេះ ដោយសារការវាយប្រហាររបស់ក្រុមចម្រុះដឹកនាំដោយអាមេរិក។ នេះបើតាមការបញ្ជាក់របស់ក្រុមសកម្មប្រយុទ្ធរបស់ស៊ីរី។
បើតាមក្រុមឃ្លាំមើលសិទ្ធិមនុស្សស៊ីរីដែលមានមូលដ្ឋាននៅអង់គ្លេសបាននិយាយថា នៅភូមិal-Khan ជិតខេត្តHasakahប្រទេសស៊ីរី កំពុងតែរងគ្រោះដោយសារការវាយប្រហារតាមអាកាសហើយ។
ដោយឡែករដ្ឋាភិបាលស៊ីរីបានបញ្ជាក់ថា ទាហានស៊ីរីប្រមាណ៣នាក់ក៏ស្លាប់ដោយសារការវាយប្រហាររបស់ក្រុមចម្រុះអាមេរិកដែរ។ យ៉ាងណាក៏ដោយ អាមេរិកទទូចឱ្យក្រុមចម្រុះរបស់ខ្លួនមិនឱ្យវាយប្រហារនៅជិតជំរំក្នុងប្រទេសស៊ីរី ព្រោះនៅទីនោះភាគច្រើនជាជនស៊ីវិល៕