ស្លាប់ ២របួសធ្ងន់ស្រាល ២៤នាក់ក្នុងគ្រោះថ្នាក់ចរាចរណ៍ថ្ងៃទី១៦ វិច្ឆិកា
សារព័ត៌មាន Cambodia News/
ភ្នំពេញ (១៧ វិច្ចិកា ២០១៥) ៖ យោងតាមការចុះផ្សាយរបស់គេហទំព័រអគ្គស្នងការនគរបាលជាតិបានឲ្យដឹងថាគ្រោះថ្នាក់ចរាចរណ៍នៅទូទាំងប្រទេសកាលពីថ្ងៃទី១៦ខែវិច្ឆិកាឆ្នាំ២០១៥ម្សិលមិញនេះមានចំនួន១៣លើកដែលបានបណ្តាលអោយមានមនុស្សស្លាប់២នាក់(ស្រីម្នាក់) អ្នករបួសធ្ងន់១៦នាក់(ស្រី៦នាក់)របួសស្រាល៨នាក់(ប្រុស)។
សូមបញ្ជាក់ផងដែរថា ក្នុងគ្រោះថ្នាក់ចរាចរណ៍ទាំង១៣លើកនេះបានបង្កឲ្យខូចខាតយានយន្តសរុប២២គ្រឿងក្នុងនោះមានម៉ូតូចំនួន១៣គ្រឿង រថយន្តធុនតូច៥គ្រឿង យាន្តផ្សេងៗ៤គ្រឿងនិងថ្មើរជើង ម្នាក់។
មូលហេតុដែលបណ្តាលឲ្យមានគ្រោះថ្នាក់រួមមានល្មើសល្បឿន៣លើក មិនប្រកាន់ស្តាំ៣លើក ស្រវឹង២លើក មិនគោរពសិទ្ធ២លើក បត់គ្រោះថ្នាក់២លើក ប្រជែងគ្រោះថ្នាក់១លើក ក្នុងនោះអ្នកមិនពាក់មួកសុវត្ថិភាពពេលគ្រោះថ្នាក់មាន១៧នាក់(យប់៩នាក់) ៕
