រថយន្តបើកបុកម៉ូតូបណ្ដាលឲ្យស្ត្រីម្នាក់រងរបួសធ្ងន់
ភ្នំពេញ៖ កាលពីវេលាម៉ោង៧និង០០នាទីព្រឺកថ្ងៃ ១៥ ខែកុម្ភៈ ស្ត្រីម្នាក់រងរបួសធ្ងន់ដោយសារតែរថយន្តមួយគ្រឿងម៉ាងសាំយ៉ុង១២ កៅអីបើកបុក នៅតាមបណ្ដោយផ្លូវម៉ោងសេទុងកែងនិងផ្លូវលេខ២០២ ស្ថិតក្នុងសង្កាត់ទឹកល្អក់បី ខណ្ឌទួលគោក។
តាមប្រភពព័ត៌មានបានឲ្យដឹងថាមុនពេលកើតហេតុគេឃើញរថយន្តមួយ គ្រឿងម៉ាងសាំយ៉ុងង១២កៅអី ពណ៌សទឹកប្រាក់ពាក់ស្លាកលេខភ្នំពេញ2Q5724បើកបរដោយបុរសម្នាក់តាម បណ្ដោយផ្លូវ ម៉ោងសេទុង ក្នុងទិសដៅពីត្បូងទៅជើងក្នុងល្បឿនយ៉ាងលឿនលុះបើកមកដល់ចំណុច ផ្លូវកែង២០២បានបុកម៉ូតូមួយគ្រឿងម៉ាកឆាលីពណ៌ស ពាក់ស្លាកលេខភ្នំពេញ1D-1039បើកបរដោយស្ត្រីម្នាក់ក្នុងល្បឿនមធ្យម តាមបណ្ដោយផ្លូវលេខ២០២ ក្នុងទិសពីលិចទៅកើតបណ្ដាលឲ្យម៉ូតូចូលក្រោមរថយន្តនិងស្ត្រី ម្ចាស់ម៉ូតូរងរបួសធ្ងន់។
ក្រោយពេលកើតហេតុម៉ូតូនិងរថយន្តបង្កត្រូវបានសមត្ថកិច្ចនគរបាល មូលដ្ឋានចុះធ្វើការវាស់វែងដកហូតយកទៅរក្សាទុកនៅអធិការដ្ឋាននគរបាល ខណ្ឌទួលគោកដើម្បីចាត់ការតាមច្បាប់៕ ហេង នាង
