កម្ពុជានឹងមានបរិមាណទឹកភ្លៀងច្រើន ចាប់ពីខែកក្កដា ដល់ខែតុលា
សារព័ត៌មាន Cambodia News/
ភ្នំពេញ( ០៨ កក្កដា ២០១៥) ៖ ប្រទេសកម្ពុជានឹងមិនជួបគ្រោះរាំងស្ងួតឡើយ បើទោះបីជានៅដើមខែកក្កដានេះ នៅតាមបណ្ដាខេត្តមួយចំនួន នៅមិនទាន់ទទួលទឹកភ្លៀងបរិមាណច្រើនក៏ ដោយ។
យោងតាមសេចក្ដីដំណឹង របស់ក្រសួងធនធានទឹក និងឧតុនិយមបានអោយដឹងថា ក្នុងរដូវ វស្សាក្នុងឆ្នាំ២០១៥នេះ អាកាសធាតុភ្លៀងរដូវវស្សានឹងចាប់ផ្ដើមធ្លាក់រាយប៉ាយ ក្នុងក្របខណ្ឌទូទាំងប្រទេសជាបន្តបន្ទាប់ ចាប់ផ្ដើមពីខែឧសភាកន្លងមក។
តាមសេចក្ដីដំណឹង បានបន្តឲ្យដឹងថា បរិមាណទឹកភ្លៀងដែលនឹងត្រូវធ្លាក់ចុះ គឺចាប់ពី ខែឧសភា ដល់ខែមិថុនា បរិមាណទឹកភ្លៀង មានក្នុងកម្រិតតិច ទៅបង្គួរ។ ចាប់ពីខែកក្កដា ដល់ខែតុលា មានបរិមាណទឹកភ្លៀង ក្នុងកំរិតច្រើន៕ ដោយ៖ ហេង នាង
