ប្រសាទបុរាណខ្មែរជាង ១០០ប្រាសាទ ត្រូវបានដាក់បញ្ចូល ទៅក្នុងហ្គូហ្គល
សារព័ត៌មាន Cambodia News/
សៀមរាប (០៣ មេសា ២០១៤) ៖ នៅព្រឹកថ្ងៃទី០៣ ខែ មេសា នេះ អ្នកព័ត៌មានដែលមកពីតាមបណ្តាស្ថាប័នល្បីក្នុងប្រទេសអាម៉េរិក តំបន់អឺរ៉ុប និងអាស៊ី-ប៉ាស៊ី បានយកចិត្តទុកដាក់យ៉ាងខ្លាំងក្នុងព្រឹត្តិការណ៍ នៃការដាក់បង្ហាញប្រាសាទរបស់ខ្មែរជាង១០០ប្រាសាទ នៅក្នុងទំ ព័រដ៏លើពិភពលោករបស់ហ្គូហ្គល (Google)។
បន្ទាប់ពីបញ្ចប់បទបង្ហាញពីដំណើរ នៃការដាក់បញ្ចូលប្រសាទបុរាណរបស់ខ្មែរទៅក្នុងទំព័រស្ទ្រីតវីយូ (Street View ) និងទំព័រវិទ្យាស្ថានចងក្រងវ្បធម៌ (Google Culture Institute) ហើយនោះ អ្នកជំនាញរបស់ហ្គូហ្គល បាន នាំអ្នកព័ត៌មានទាំងអស់ទៅទស្សនាប្រសាទនានាក្នុងតំបន់អង្គរ ដើម្បីទស្សនារូបប្រសាទ ដែលបានដាក់បញ្ចូល ទៅស្ទ្រីតវីយូ និងតំបន់ជាច្រើនផ្សេងទៀត។
ការបញ្ចូលប្រសាទបុរាណរបស់ខ្មែរនៅខេត្តសៀមរាប ទៅក្នុងទំព័រ ស្ទ្រីតវីយូ (Street View ) និងទំព័រវិទ្យាស្ថានចងក្រងវ្បធម៌ (Google Culture Institute) នឹងធ្វើឲ្យប្រជាពលរដ្ឋនៅលើពិភពកាន់តែងាយស្រួលក្នុងការស្វែងយល់ និងរុករកប្រសាទរបស់ខ្មែរ ហើយក៏ជាផ្នែកមួយជួយប្រជាពលរដ្ឋទាំងនោះបានដឹងកាន់តែច្បាស់ ពីប្រាសាទរបស់ខ្មែរ ហើយវាក៏ជាផ្នែកមួយក្នុងការទាក់ទាញភ្ញៀវទេសចរមកកាន់ប្រទេសកម្ពុជាផងដែរ៕
