ចំនួនអ្នកចូលទស្សនាបាល់ទាត់នៅកម្ពុជា មានការកើនឡើងគួរឱ្យកត់សំគាល់
សារព័ត៌មាន Cambodia News/
ភ្នំពេញ(១១ មថុនា ២០១៥) ៖ ក្នុងរយៈពេល៣ឆ្នាំចុងក្រោយនេះ ចំនួនអ្នកចូលទស្សនាបាល់ទាត់នៅកម្ពុជា មានការកើនឡើងគួរឱ្យកត់សំគាល់ ទោះបីនៅមិនទាន់អាចកំណត់ចំនួនសំបុត្រដែលបានលក់អស់នៅឡើយទេ ប៉ុន្តែសំបុត្រកាលពីថ្ងៃពុធ ចំនួនជាង២ម៉ឺន៥ពាន់សំបុត្រត្រូវបានជាវអស់ទៅហើយ។
នៅយប់ថ្ងៃព្រហស្បតិ៍ទី១១ មិថុនានេះ ក្រុមជម្រើសជាតិបាល់ទាត់កម្ពុជា នឹងបើកឆាកប្រយុទ្ធជាមួយក្រុមជម្រើស ជាតិសិង្ហបូរី ក្នុងវគ្គជម្រុះនៅតំបន់អាស៊ី ក្នុងដំណើរទៅកាន់ព្រឹត្តិការណ៍បាល់ទាត់ពិភពលោកនៅឆ្នាំ២០១៨នៅរុស្ស៊ី ហើយនៅព្រឹកនេះ ពលរដ្ឋកម្ពុជាបានសំរុកទៅទិញសំបុត្រចូលទស្សនាតឥអាក់នៅពហុកីឡាដ្ឋានជាតិអូឡាំពិក។
សូមបញ្ជាក់ថា នៅថ្ងៃព្រហស្បតិ៍នេះ គឺជើងទី១ក្នុងការប្រកួតជម្រុះក្នុងព្រឹតិ្តការណ៍បាល់ទាត់ឆ្នាំ២០១៨ ក្នុងក្រុមអឺ(E) ដែលមានកម្ពុជា សិង្ហបូរី ជប៉ុន ស៊ីរី និង អាហ្វហ្កានីស្ថាន៕ ដោយ ៖ ហេង នាង
