ឆេះផ្ទះនៅសង្កាត់ភ្នំពេញថ្មី ស្លាប់១គ្រួសារ (មានវីដេអូ)
សារព័ត៌មាន Cambodia News/
ភ្នំពេញ ( ២១ ឧសភា ២០១៥) ៖ យ៉ាងតិចមានមនុស្ស៤នាក់ គឺប្តីប្រពន្ធ និងកូនស្រី២នាក់ទៀត បានស្លាប់យ៉ាង អាណោចអាធម ក្នុងអណ្តាតភ្លើងដ៏សន្ធោសន្ធៅ ដែល អគ្គិភ័យឆាបឆេះ លំនៅដ្ឋាន របស់ប្រជាពលរដ្ឋចំនួន៣ខ្នង នៅ ព្រឹក ថ្ងៃទី២១ ខែឧសភា ឆ្នាំ២០១៥នេះ ។ [ អានបន្ត ]
ហេតុការណ៍អគ្គិភ័យខាងលើនេះ បានកើតឡើងកាល ពីវេលាម៉ោង៤និង៣០នាទីព្រឹក ថ្ងៃទី២១ ខែឧសភា ឆ្នាំ២០១៥ នៅចំណុចផ្លូវ៩២ ភូមិច្រេះ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
សមត្ថកិច្ចបានឲ្យដឹងថា ជាជំហានដំបូង អគ្គិភ័យនេះអាចបណ្តាល មកពីទុស្សេខ្សែភ្លើង ផ្តើមចេញពីផ្ទះសង់អំពីឈើលើ ថ្មក្រោម របស់ជនរងគ្រោះ និងរាលដាលឆាបឆេះ បន្តទៅលំនៅដ្ឋានចំនួន២ទៀត ។
ដោយសារស្ថានភាពភ្លើង មានលក្ខណៈសន្ធោសន្ធៅខ្លាំង ការជួយអន្តរាគមន៍មិន អាចទប់សភាពការណ៍បាន ក៏បណ្តាលឲ្យមនុស្ស៤នាក់ បានស្លាប់ ទាំងគ្រួសារ ។
សមត្ថកិច្ចបានបញ្ជាក់ថា ជនរងគ្រោះដែលស្លាប់រួមមានឈ្មោះ គឹម ចាន់រ័ត្ន អាយុ៣៧ឆ្នាំ ជាប្តី , ឈ្មោះ សែន សុផល អាយ៣៦ឆ្នាំ ជាប្រពន្ធ, ឈ្មោះ គឹម ណារី ភេទស្រី អា១០ឆ្នាំ និងឈ្មោះ គឹម សួស្តី ភេទស្រី អាយុ៨ឆ្នាំ ត្រូវជាកូន៕
