ជនបរទេសនិង ប្រជាជនកម្ពុជាកើតចម្ងល់ពីសម្លដាក់ត្រីដែក (មានវីដេអូ)
សារព័ត៌មាន Cambodia News/
សុខភាព (១៩ ឧសភា ២០១៥) ៖ កាលពីថ្មីៗនេះ សារព័ត៌មាន BBC របស់អង់គ្លេស បានចុះផ្សាយអត្ថបទមួយ និយាយពីការប្រើត្រីដែកដាក់ក្នុងសម្លរបស់ប្រជាជនកម្ពុជា អាចមានប្រសិទ្ធភាពព្យាបាលជំងឺខ្វះគ្រាប់ឈាម។
ចំពោះព័ត៌មាននេះបានធ្វើឲ្យជនបរទេសរួមទាំងប្រជាជនកម្ពុជាមួយចំនួនធំកើតជាចម្ងល់ ព្រោះកន្លងមកមិនធ្លាប់បានឮផង បើទោះបីជាវិធីនេះកើតមាននៅប្រទេសខ្មែរក៏ដោយ។ [ អានបន្ត ] 
វិធីសាស្ត្រដាក់ត្រីដែកព្យាបាលជំងឺខ្វះឈាមនេះ ដំបូងឡើយមានជនជាតិកាណាដាម្នាក់ឈ្មោះ Christopher Charles បានសិក្សាតាមរយៈការស្រាវជ្រាវពីមុនមកថា ចម្អិនអាហារនៅក្នុងឆ្នាំងដែកអាចបង្កើនសារជាតិដែក ដែលជួយឲ្យព្យាបាលជំងឺខ្វះឈាមដូចនេះហើយ ទើបលោកសម្រេចចិត្តណែនាំប្រជាជនកម្ពុជា ឲ្យដាក់ដុំដែករូបត្រីចូលទៅក្នុងឆ្នាំងសម្ល។
បច្ចុប្បន្នប្រហែល ២៥០០គ្រួសារនៅក្នុងព្រះរាជាណាចក្រកម្ពុជា កំពុងប្រើប្រាស់ត្រីដែក ដើម្បីកុំឲ្យមានជំងឺខ្វះឈាម។ ក្រុមហ៊ុនផលិតត្រីដែក Lucky Iron Fish បានឧបត្ថម្ភត្រីដែកជិត ៩០០០ ដល់មន្ទីរពេទ្យ និងអង្គការក្រៅរដ្ឋាភិបាលក្នុងព្រះរាជាណាចក្រកម្ពុជា។ ត្រីដែកនីមួយៗមានប្រវែង ៧,៦សង់ទីម៉ែត្រ និងទម្ងន់ប្រហែល ២ខាំ។
ស្ត្រីម្នាក់ព្រមទាំងកូនស្រី ដែលកំពុងស្ថិតនៅក្នុងដំណាក់កាលសាកល្បងនាខេត្តព្រះវិហារ បានប្រាប់សារព័ត៌មាន BBC ថា ពួកគេនឹងប្រើត្រីដែកពេលចម្អិនអាហារ។ លទ្ធផលធ្វើតេស្តឈាម បានបង្ហាញថាពួកគេមានបញ្ហាកង្វះជាតិដែក ដូចនេះហើយទើបពួកគេប្រើប្រាស់ត្រីដែកដើម្បីព្យាបាលជំងឺ៕
