ធ្លាក់លាយឡំជាមួយខ្យល់កន្ត្រាក់ និងផ្គររន្ទះចាប់ពីថ្ងៃទី១៧ ដល់ថ្ងៃទី២២
សារព័ត៌មាន Cambodia News/
ភ្នំពេញ (២១ មិនា ២០១៨) ៖ ក្រសួងធនធានទឹកនិងឧតុនិយម បានបញ្ជាក់ថា កម្ពុជាចាប់ពីថ្ងៃទី ២០ដល់ថ្ងៃទី ២២ខែមីនាខាងមុខ នឹងមានភ្លៀងធ្លាក់លាយឡំជាមួយផ្គររន្ទះ និងខ្យល់កន្ត្រាក់ដែលនឹងកើតឡើងបណ្ដាខេត្តមួយចំនួន។
យោងតាមសេចក្ដីជូនដំណឹងបន្ថែមស្ដីពី ស្ថានភាពអាកាសធាតុរបស់ក្រសួងធនធានទឹកនិងឧតុនិយម ដែលបានចេញផ្សាយកាលពីសប្ដាហ៍មុនបញ្ជាក់ថា
បណ្ដាខេត្តមួយចំនួននៅភាគពាយ័ព្យ ដូចជាខេត្ត បាត់ដំបង ប៉ៃលិន សៀមរាប បន្ទាយមានជ័យ និងខេត្តឧត្តរមានជ័យអាចមានភ្លៀងធ្លាក់លាយឡំជាមួយផ្គររន្ទះ និងខ្យល់កន្ត្រាក់ផងដែរ។ ក្រសួងក៏អំពាវនាវអោយប្រជាជនបង្កើនការយកចិត្តដាក់ខ្ពស់ ដើម្បីជៀសវាងកុំអោយមានគ្រោះថ្នាក់ផ្សេងៗកើតឡើងជាយថាហេតុ។
ក្នុងសេចក្ដីជូនដំណឹងដដែលបញ្ជាក់ថា មូលហេតុដែលបណ្ដាលអោយបាតុភូតបែបនេះកើតឡើង ដោយសារតែប្រទេសកម្ពុជាទទួលរងឥទ្ធិពលពីការប្រសព្វគ្នារវាងជ្រលងសម្ពាធខ្ពស់ពីប្រទេសថៃ និងជ្រលងសម្ពាធទាបពីសមុទ្រចិនខាងត្បូង។
ឥទ្ធិពលនៃបាតុភូតទាំងពីរនេះ ក៏ធ្វើអោយកម្ពុជាមានភ្លៀងធ្លាក់កក់ខែរាយប៉ាយ ចាប់ពីថ្ងៃទី ១៧ដល់ថ្ងៃទី២២ផងដែរ ជាពិសេសចំពោះបណ្ដាខេត្ត ក្រុងក្នុងតំបន់វាលទំនាប តំបន់ខ្ពង់រាប និងបណ្ដាខេត្តជាប់មាត់សមុទ្រ៕
