យុវជន ៩៨ ភាគរយយល់ថា អំពើពុករលួយជាឧបសគ្គក្នុងការអភិវឌ្ឍ
សារព័ត៌មាន Cambodia News/
អត្ថបទ៖ ហេង នាង/
ភ្នំពេញ(២៣ មីនា ២០១៥) ៖ យោងតាមការសិក្សាថ្មីមួយដែលធ្វើឡើងដោយអង្គការតម្លាភាពអន្តរជាតិកម្ពុជា បានឲ្យដឹងថា យុវជនកម្ពុជាជិត ៩៨ ភាគរយយល់ស្របថា អំពើពុករលួយ គឺជាឧបសគ្គដ៏សំខាន់ ក្នុងការអភិវឌ្ឍប្រទេសជាតិ។
ក្នុងរយៈពេលមួយខែនៅ ឆ្នាំ២០១៤ អង្គការតម្លាភាពកម្ពុជា បានស្ទង់មតិមនុស្សចំនួន ១២០០ នាក់ អាយុពី ១៥ ទៅ ៣០ ឆ្នាំ នៅក្នុងតំបន់ចំនួនប្រាំបីដែលរួមបញ្ចូលទាំង ខេត្តសៀមរាប និងរាជធានីភ្នំពេញ។
ពួកគេត្រូវបានស្នើឲ្យកំណត់ពីរបៀបដែលទស្សនៈធំនៃអំពើពុករលួយ ដើរតួនាទីក្នុងជីវិតរបស់ពួកគេ តម្លៃ និងចំណាត់ការ។
អ្នកចូលរួម ៧០ ភាគរយ បានរាយការណ៍ បានប្រើប្រាស់មធ្យោបាយពុករលួយ គឺការបង់ប្រាក់បន្ថែម ដើម្បីចៀសវាងបញ្ហាជាមួយនឹងនគរបាល និង ៤៩ ភាគរយបានសារភាពថា ធ្លាប់ជួបអំពើពុករលួយ ដូចជាការលួចចម្លង ដើម្បីជាប់ការប្រឡង កាលពីឆ្នាំមុនក្នុងអំឡុងពេលប្រឡងបាក់ឌុប ដែលបានបង្ហាញថា មានតែសិស្ស ២៥ ភាគរយ អាចប្រឡងជាប់ដោយគ្មានការលួចចម្លង៕
