អង្គរសង្ក្រានឆ្នាំ២០១៥ បានបង្ហាញពីវប្បធម៌សំបូរបែបរបស់កម្ពុជា
សារព័ត៌មាន Cambodia News/
ភ្នំពេញ (០៩ មិនា ២០១៥) ៖ អង្គរសង្ក្រានឆ្នាំ២០១៥ បានបង្ហាញពីវប្បធម៌សំបូរបែបរបស់កម្ពុជា និងបង្ហាញប្រជាជាតិលើពិភពលោក ឲ្យបានដឹង និងយល់កាន់តែច្បាស់ ពីវប្បធម៌កម្ពុជា និងដើម្បីទាក់ទាញនូវការចាប់អារម្មណ៍ ពីភ្ញៀងទេសចរណ៍បរទេស ឲ្យចូលមកទស្សនាកំសាន្តកម្ពុជា ឲ្យមានចំនួនកាន់តែច្រើន ជាពិសេសក្នុងឱកាសនោះដែរ អន្សមយក្សទំងន់ជាង ៣ តោនធំជាងគេលើពិភពលោក ដើម្បីដាក់ក្នុងកំណត់ត្រាក្នុងសៀវភៅហ្គីនេណសពិភពលោក។
នាថ្ងៃទី៨ខែមីនានេះ លោកហ៊ុន ម៉ានី ប្រធានសហភាពសហព័ន្ធយុវជនកម្ពុជា បានរៀបចំពិធីភោជនាហារជួបជុំជាមួយមិត្តសិល្បករ ក្នុងការចូលរួមសហការគាំទ្រព្រឹត្តការណ៍អង្គរសង្ក្រានឆ្នាំ២០១៥ ជាមួយសហភាពសហព័ន្ធយុវជនកម្ពុជា។ ពិធីភោជនាហារថ្ងៃត្រង់ជួបជុំជាមួយមិត្តសិល្បករនៅឯសណ្ឋាគារហ៊ីម៉ាវ៉ារី មានការចូលរួមពីសំណាក់សិល្បករប្រមាណ ៣០០ នាក់។
នៅក្នុងពិធីភោជនាហារជួបជុំជាមួយមិត្តសិល្បករ លោក ហ៊ុន ម៉ានី បានមានប្រសាសន៍បញ្ជាក់ថា ៖ ឆ្នាំ២០១៥នេះអង្គរសង្ក្រាន បានធ្វើនៅខេត្តសៀមរាបអង្គរចំនួន ៣ លើកចាប់តាំងពីឆ្នាំ២០១៣ មកដល់ឆ្នាំ២០១៥នេះ។ ការធ្វើអង្គរសង្ក្រានបង្ហាញពីសកត្តានុពលរបស់យុវជនកម្ពុជា នៅពេលដែលរួមគ្នាអាចធ្វើអ្វីៗបានទាំងអស់។
លោក ហ៊ុន ម៉ានី មានប្រសាសន៍បញ្ជាក់បន្តថា ៖ ការធ្វើអង្គរសង្ក្រានបង្ហាញពីវប្បធម៌សំបូរបែបរបស់កម្ពុជា និងបង្ហាញប្រជាជាតិលើពិភពលោក ឲ្យបានដឹងនិងយល់កាន់តែច្បាស់ ពីវប្បធម៌កម្ពុជា និងដើម្បីទាក់ទាញនូវការចាប់អារម្មណ៍
ពីភ្ញៀងទេសចរណ៍បរទេសឲ្យចូលមកទស្សនាកំសាន្តកម្ពុជាឲ្យមានចំនួនកាន់តែច្រើនក្នុងការចូលរួមជំរុញកំណើនសេដ្ឋកិច្ចកម្ពុជាបន្ថែមទៀត។
អង្គរសង្រាននៅខេត្តសៀមរាប មានរយៈពេល ៣ ថ្ងៃ គឺនៅថ្ងៃទី១៤ ១៥ និង១៦ ខែមេសា ដែលជាឱកាសបុណ្យចូលឆ្នាំប្រពៃណីខ្មែរ ដែលមានកម្មវិធីកំសាន្ត និងការរៀបចំតាមលក្ខណៈប្រពៃណីខ្មែរនិងសាសនាវប្បធម៌ខ្មែរ។ សម្រាប់ពិធីកាត់អន្សមយក្ស នឹងធ្វើនៅថ្ងៃទី១៥ ខែមេសា បន្ទាប់ពីតាំងហើយ ក៏មានការប្រឡងហូបអន្សមផងដែរ។
សូមបញ្ជាក់កម្មវិធីអង្គរសង្ក្រានលើកទី៣ ឆ្នាំ២០១៥ នៅខេត្តសៀមរាបដែលមានការវេចអន្សមយក្សទំងន់ជាង ៣ តោន និងបណ្តោយ ៥ ម៉ែត្រ អង្កត់ផ្ចិត ១ ម៉ែត្រធំជាងគេលើពិភពលោកនោះ នឹងការផ្សព្វផ្សាយស្ប៉តព័ត៌មានខ្លីតាមរយៈទូរទស្សន៍ CNN និងមានការកំណត់ ត្រាក្នុងសៀវភៅហ្គីនេណសពិភពលោកផងដែរ ដើម្បីប្រកាសប្រាប់ប្រជាជាតិពិភពលោក ឲ្យចាប់អារម្មណ៍ មកទស្សនាទេសចរណ៍វប្បធម៌ និងទេសភាពធម្មជាតិ ដ៏សំបូរបែបនៅកម្ពុជា៕
