សិក្ខាសាលា ស្តីពីការប្រើប្រាស់បច្ចេកវិទ្យា សារគមនាគមន៍ និងព័ត៌មានវិទ្យា(ICT) សម្រាប់ការអភិវឌ្ឍន៍
Cambodia News
ហេង នាង
ភ្នំពេញ៖ នៅព្រឹកថ្ងៃទី២៩ ខែឧសភា ឆ្នាំ២០១៣ នេះ នៅសណ្ឋាគារសាន់ មានបើកសិក្ខាសាលាមួយស្តីពី «ការប្រើប្រាស់បច្ចេកវិទ្យា សារគមនាគមន៍ និងព័ត៌មានវិទ្យា (ICT) សម្រាប់ការអភិវឌ្ឍន៍ រៀបចំឡើង ដោយវិទ្យាស្ថានបើកទូលាយ សហការជាមួយដៃគួរអភិវឌ្ឍន៍ចំនួន៤ទៀតមានដូចជា សម្ភ័ន្ធភាពជាតិឃុំសង្កាត់ ជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ សហគមអភិវឌ្ឍន៍សុខភាពប្រជាជន និងអង្គការយុវជនខ្មែរ និងការអភិវឌ្ឍន៍សង្គម។
សិក្ឋាសាលានាថ្ងៃនេះ គឺជាសិក្ខាសាលាមួយ ដែលត្រូវបញ្ជាប់គម្រោងរយៈពេលមួយឆ្នាំ ស្តីពីការពិភាគ្សាការអភិវឌ្ឍន៍ ដែលគម្រោងនេះចាប់ផ្តើមអនុវត្តតាំងពីដើមខែ មិថុនា ឆ្នាំ២០១២ ហើយនឹងបញ្ជាប់នៅចុងខែឧសភា ឆ្នាំ២០១៣នាប៉ុន្មានថ្ងៃនេះ ។ វេទទិការនៃការពិភាក្សានេះមានការចូលរួមពីតំណាងមន្ត្រីក្រសួងនានា ក្រុមប្រឹក្សាឃុំសង្កាត់ យុជន និងបុគ្គលិកអង្គការមិនមែនរដ្ឋាភិបាលជាតិ និងអន្តជាតិ ប្រមាណជាង ៣០នាក់។
គោលបំណងនៃគម្រោងនេះ គោលមានដៅសំខាន់ៗដូចជា ជាការបង្កើតបរិយាកាស ដ៏សមស្រប់ សម្រាប់ការពិភាក្សា ជាប្រព័ន្ធអំពីការអភិវឌ្ឍន៍ដល់យុវជន និងក្រុមប្រឹក្សាឃុំ សង្កាត់នៅភ្នំពេញ និងបណ្តាលខេត្តចំនួន៥ ដែលបានអនុវត្តជាដៃគួរ មានដូចជាខេត្ត សៀមរាប បាត់ដំបង កណ្តាល កំពង់ឆ្នាង និងខេត្តក្រចេះ។
ថ្លែងនៅក្នុងសិក្ខាសាលានេះ លោកស្រី ជឹម ម៉ាណាវី នាយិការអង្គការវិទ្យាស្ថានបើកទូលាយ បានមានប្រសាសន៍ថា សក្ខាសាលានៅថ្ងៃនេះ បានផ្តល់ឱកាសឲ្យមានការពិភាក្សារ អំពីការអភិវឌ្ឍន៍ លិទ្ធប្រជាធិបតេយ្យ តាមរយៈការប្រើប្រាស់បច្ចេកវិទ្យាសារគមនាគមន៍ និងព័ត៌មានវិទ្យា ដើម្បីផ្សព្វផ្សាយពី លិទ្ធផលវេទិការពិភាក្សា អំពីយុវជន និងការបោះឆ្នោតថ្នាក់ជាតិ និងតួនាទីយុវជនក្នុងការពង្រឹងអភិបាលកិច្ចការអភិវឌ្ឍន៍មូលដ្ឋាន ដើម្បីបែងចែក បទពិសោធន៍ និងសមិទ្ធផលការងាររបស់គម្រោង។
លោកស្រីបានបន្តថា បច្ចេកវិទ្យាសារគមនាគមន៍ និងព័ត៌មានវិទ្យា មានសារសំខាន់ណាស់សម្រាប់ការងារអភិវឌ្ឍន៍លើវិស័យ សេដ្ឋកិច្ចសង្គម ហេតុនេះ ហើយនៅពេលណាយើងមានការប្រាស្រ័យទាក់ទងល្អ ពេលនោះសង្គមយើងនឹងមានការរីកចម្រើនល្អ។ ទាំងអស់នេះ មានគោលដៅធ្វើជាស្ពានចំណងការកាត់បន្ថយគំលាតរេខូបនីយកម្ម និងជាជំនួយសម្រាប់ការអភិវឌ្ឍន៍ ដោយជំរុញនូវការចូលទៅកាន់បច្ចេកវិទ្យាប្រាស្រ័យទាក់ទងទំនើប ដែលវាជាឧបករណ៍ មួយសម្រាប់ការអភិវឌ្ឍន៍សេដ្ឋកិច្ចសង្គម។
ជាចុងក្រោយ លោកស្រី ជឹម ម៉ាណាវី បានថ្លែងអំណរគុណ ដល់សម្ព័ន្ធភាពជាតិឃុំ សង្កាត់ មិងក្រសួងកិច្ចការនារី ដែលបានផ្តល់ការគាំទ្រ ដល់អង្គការវិទ្យាស្ថានបើកទូលាយ ដល់ស្ថាប័ន និងអង្គការសហការផ្សេងៗទៀត និង ដល់សមាជិកក្រុមប្រឹក្សាឃុំ សង្កាត់ចំពោះការចូលរួមយ៉ាងសកម្មក្នុងគម្រោងនេះ តាំងពីដើម ដល់ចប់អស់រយៈពេលមួយឆ្នាំកន្លងមកនេះ៕
