ព្រះសង្ឃ ជនពិការ និងសិស្សសាលាតូចៗ ដែលធ្វើដំណើរតាមរថយន្តក្រុងដោយមិនត្រវបានគិតលុយ
សារព័ត៌មាន Cambodia News/
ភ្នំពេញ (៣១ កក្កដា ២០១៤) ៖ ថ្លែងនៅក្នុង ពិធីសម្ពោធ ស្ពានអាកាសស្ទឹងមានជ័យ នាព្រឹកថ្ងៃទី៣១ ខែកក្កដា នេះ លោក ហ៊ុន សែន ដាក់ចេញផែនការ យ៉ាង ម៉ឺងម៉ាត់ និងស្នើអភិបាលរាជធានីភ្នំពេញ ប៉ា សុជាតិវង្ស មុនចូលនិវត្តន៍ ត្រូវតែធ្វើរឿង សេវាដឹកជញ្ជូននេះ ឲ្យបាន ជោគជ័យ។
លោក ហ៊ុន សែន បន្តថា សម្រាប់ ព្រះសង្ឃ ជនពិការ និងសិស្សសាលាតូចៗនៅតាមគោលដៅរថយន្ត ក្រុងមិនត្រូវយកលុយនោះទេ ដែលការមិនយក លុយនេះ នឹងជួយកាត់បន្ថយការធ្វើដំណើរ តាមម៉ូតូរបស់អាណាព្យាបាល ដែលដឹកជញ្ជូនកូនៗទៅសាលា ផងដែរ។
សូមបញ្ជាក់ថា កាលពីថ្ងៃទី៥ ខែកុម្ភៈ ឆ្នាំ២០១៤ កន្លងមក សាលារាជធានីភ្នំពេញ បានសហការ ជាមួយ អង្គការ JICA បានសម្ពោធឲ្យប្រើប្រាស់ រថយន្តក្រុងសាធារណៈ សាកល្បងចំនួន១០គ្រឿង ប៉ុន្តែរហូតមកដល់ បច្ចុប្បន្ននេះ សេវារថយន្តក្រុងនេះ មានភាពរអាក់រអួល ដោយសារតែ JICA បានដកភាគហ៊ុនទៅវិញ ដោយនៅសល់តែ សាលា រាជធានីភ្នំពេញ កំពុងអនុវត្តបន្ត៕
