សម្តេចតេជោ ឧបត្ថម្ភថវិកាកីឡាករទាំង ២៥រូប និងគ្រូបង្វឹកម្នាក់ៗ១ពាន់ដុល្លារ
សារព័ត៌មាន Cambodia News/
ភ្នំពេញ (២៩ កក្កដា ២០១៦) ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអបអរសាទរ និងកោតសរសើរក្រុមបាល់ទាត់ជម្រើសជាតិ កម្ពុជា ហើយសម្តេចបានផ្តល់ថវិកាសរុប៣.៣០០០ដុល្លារអាមេរិក ដល់ថ្នាក់ដឹកនាំ គ្រូបង្វឹក និងកីឡាករ ៣៣នាក់ដើម្បីជាការ
លើកទឹកចិត្ត បន្ទាប់ពីពួកគេបានប្រឹងប្រែងយកឈ្នះក្រុមកីឡាករសិង្ហបុរី ដោយលទ្ធផល ២-១កាលពីយប់មិញ។
ថវិកា ៣.៣០០០ដុល្លារនេះ នឹងត្រូវប្រគល់ជូនដោយឯកឧត្តម នាយឧត្តមសេនីយ៌ សៅ សុខា។ខ្ញុំសូមអបអរសាទរ និងកោតសរសើរចំពោះក្រុមកីឡាបាល់ទាត់ជម្រើសជាតិកម្ពុជា ដែលទាត់ឈ្នះកីឡា បាល់ទាត់ប្រទេសសឹង្ហបូរី ២-១ នៅក្នុងការប្រកួតមិត្តភាពអន្តរជាតិ “CLEAR International” ដែលទើបចប់ការប្រកួតអំបាញ់ មិញនេះ។
សម្តេចតេជោ បានសរសេរក្នុងFacebookរបស់សម្តេចថា”ខ្ញុំសូមចូលរួមឧបត្ថម្ភ លើកទឹកចិត្តដល់កីឡាករខ្មែរចំនួន ២៥នាក់ គ្រូបង្វឹកនិងមន្ត្រីចំនួន៨នាក់ ដែលក្នុងម្នាក់ៗទទួលបានប្រាក់ចំនួន $1,000 (មួយពាន់ដុល្លារ) ដែលនឹងប្រគល់ជូនដោយ ឯកឧត្តម នាយឧត្តមសេនីយ៌ សៅ សុខា។
សូម អរគុណដល់ជនរួមជាតិ ជាពិសេសយុវជនដែលតែងតែចូលរួមគាំទ្រលើកទឹកចិត្តទាំងនៅក្នុង ពហុកីឡាដ្ឋានផ្ទាល់ និងមើលនៅលើផេក Facebook របស់ខ្ញុំផ្ទាល់។ យើងទាំងអស់គ្នាចូលរួមលើកតម្កើង វិស័យកីឡាជាតិអោយកាន់តែរីកលូតលាស់ខ្លាំងឡើង”៕
