ឃាត់ខ្លួន អ្នកតំណាង រាស្រ្តជាប់ឆ្នោត គណបក្សសង្រ្គោះជាតិ ៣នាក់
សារព័ត៌មាន Cambodia News/
ភ្នំពេញ (១៥ កក្កដា ២០១៤) ៖ កម្លាំងសមត្ថកិច្ច នៅម៉ោងប្រមាណជា ៩និង៤០នាទីព្រឹកថ្ងៃទី១៥ ខែកក្កដា ឆ្នាំ២០១៤នេះ បានឃាត់អ្នកតំណាងរាស្រ្ត ជាប់ឆ្នោតរបស់គណបក្ស សង្រ្គោះជាតិចំនួន៣ ពីបទបង្កបញ្ហា អុកនៅទីលានប្រជាធិបតេយ្យ។
អ្នកតំណាងរាស្ត្រទាំងនោះ ត្រូវបានគេស្គាល់ច្បាស់ជាងគេ គឺលោក ស្រី មូរ សុខហួរ និងតំណាងរាស្រ្ត ពីរនាក់ទៀត ដោយម្នាក់តំណាងរាស្រ្តខេត្តកំពង់ធំ និងតំណាងរាស្រ្តខេត្តក្រចេះ។
សូមបញ្ជាក់ថា នៅវេលាម៉ោង ០៨ និង៣០នាទី អ្នកស្រី មូរ សុខហួរ បានដឹកនាំយុវជន ចំនួនជាង១០០នាក់ ទៅទីលានប្រជាធិបតេយ្យក្នុងគោលបំណងរំដោះទីលានប្រជាធិបតេយ្យ ក្នុងនោះមានគ្រវីទង់ជាតិ ព្រះរាជាណាចក្រកម្ពុជា ហើយក៏បានប៉ះសម្តីគ្នា ជាមួយក្រុមសន្តិសុខ រហូតបង្កឲ្យមានអំពើហិង្សា ដោយ ក្រុមយុវជនគណបក្សសង្គ្រោះជាតិ បានយកដបទឹកបរិសុទ្ធ និងដំបងដែលមាន ចងទង់ជាតិ ទៅគប់លើក្រុមសន្តិសុខ បណ្តាលឲ្យសន្តិសុខខណ្ឌដូនពេញម្នាក់ រងរបួសបែកក្បាល និងមាន៧នាក់ផ្សេងទៀត ក៏បានរងរបួសធ្ងន់ធ្ងរផងដែរ ៕
