បណ្តាញយុវជនកម្ពុជា ដាក់ញត្តិ និងថ្លែងសារពីផលប៉ះពាល់បរិស្ថាន
សារព័ត៌មាន Cambodia News/
ភ្នំពេញ (០៥ មិថុនា ២០១៤) ៖ នៅព្រឹកថ្ងៃទី០៥ មិថុនា នេះ បណ្តាញយុវជនកម្ពុជា បានប្រមូលផ្តុំគ្នានៅម្តុំតំបន់ដីក្រហមក្បែរស្ថានទូតរុស្ស៊ី ដើម្បីដាក់ញត្តិ និងថ្លែងសារពីផលប៉ះពាល់បរិស្ថាន និងទាមទារឲ្យមានការការពារព្រៃឈើ និងទប់ស្កាត់ផលប៉ះពាល់បរិស្ថាន។
គម្រោងជួបជុំរបស់ក្រុមយុវជនដែរស្រលាញ់បរិស្ថានហែរញត្តិទៅក្រសួងបរិស្ថាន ផ្លូវត្រូវបានបិតទាំងសងខាងមិនទៅណារួច ដោយសារអាជ្ញាធររាជធានីភ្នំពេញ ហាមឃាត់។
គម្រោង ជួបជុំរបស់ក្រុមបណ្តាញយុវជនកម្ពុជា ដែលមានការចូលរួមពីព្រះសង្ឃ សិស្ស និស្សិត សហគមន៍យុវជន និងអ្នកស្រលាញ់បរិស្ថាន នឹងជួបជុំគ្នានៅនៅម៉ោង៧:៣០នាទីព្រឹកថ្ងៃទី០៥ ខែមិថុនា ដែលជាទិវាបរិស្ថានពិភពលោក ដើម្បីដាក់ញត្តិ និងថ្លែងសារពីផលប៉ះពាល់បរិស្ថាន។
ការប្រមូលផ្តុំនេះ គឺធ្វើឡើងក្នុងគោលបំណងលើកកម្ពស់ការយល់ដឹងពីគុណតម្លៃរបស់ព្រៃឈើ និងផលប៉ះពាល់បរិស្ថាន ចូលរួម ចំណែកការពារធនធានធម្មជាតិនិងបរិស្ថានក្នុងប្រទេសកម្ពុជា ព្រមទាំងជំរុញឲ្យរាជរដ្ឋាភិបាលកម្ពុជា ចាត់វិធានការ និងដោះស្រាយបញ្ហាធនធានធម្មជាតិឲ្យមានប្រសិទ្ធភាព៕
