សម រង្ស៊ី ទៅរើសសំរាមតាមឆ្នេរសមុទ្រ
សារព័ត៌មាន Cambodia News /
ដោយ៖ ហេង នាង/
សីហនុ (១៦ ឧសភា ២០១៤) ៖ នៅលើហ្វេសប៊ុករបស់ មេដឹកនាំគណបក្ស ប្រឆាំង លោក សម រង្ស៊ី បានបង្ហាញឲ្យដឹងថា លោក បាននាំសហការីរទៅរើសសំរាមនៅតាមឆ្នេរសមុទ្រខេត្តព្រះសីហនុ ដែលមេដឹកនាំគណបក្សសង្គ្រោះជាតិរូបនេះ ចាត់ទុកថា ជាគំរូមួយដល់ប្រជាជន ឲ្យចូលរួមថែរក្សាបរិស្ថានទាំងអស់គ្នា។
ការ ទៅលំហែកាយ និងរើសសំរាមនៅតាមឆ្នេរសមុទ្រខេត្តព្រះសីហនុ របស់មេដឹកនាំគណបក្សសង្គ្រោះជាតិរូបនេះ គឺបន្ទាប់ពីលោក បញ្ចប់ការឃោសនាបោះឆ្នោតក្រុមប្រឹក្សា រាជធានី ខេត្ត ក្រុង ស្រុក ខណ្ឌ នៅខេត្តព្រះសីហនុកាលពីថ្ងៃទី ១៥ ខែឧសភា ។
នៅលើហ្វេសប៊ុករបស់ លោក ក៏បានបង្ហាញពីសកម្មភាពរបស់លោក និងភរិយា ព្រមទាំងសហការរី និងអង្គរក្សមួយចំនួនផង បានដើររើសកាកសំណល់ដែលជាថង់ផ្លាស្ទិក និងសំរាមដែលមិនងាយរលួយ យកទៅដាក់នៅក្នុងថង់ខ្មៅ៕
