កម្មកររោងចក្រកាត់ដេរគ្លេតភ្លី ហ្គាមេនបន្តធ្វើកូដកម្ម
ភ្នំពេញ៖ នៅព្រឹក ថ្ងៃទី ១៨ មករា ២០១៣នេះ កម្មករកម្មការនីរោងចក្រកាត់ដេរ គ្លេតភ្លី ហ្គាមេន ដែលមានទីតាំងនៅ ភូមិជម្ពូវ័ន ក្នុងសង្កាត់ចោមចៅ ខណ្ឌពោធិ៍សែនជ័យ ប្រមាណជាងមួយពាន់នាក់បាននាំគ្នាឈរធ្វើកូដកម្មនៅរោងចក្រ ក្នុងគោលបំណងត្រៀមហែរមកកាន់រដ្ឋសភាជាតិ ដើម្បីស្វែងរកដំណោះស្រាយបន្ទាប់ពីធ្វើកូដកម្មនៅមុខរោងចក្រអស់រយៈ បួនថ្ងៃកន្លងមកហើយប៉ុន្តែគ្មានដំណោះស្រាយ ។ ប៉ុន្តែគោលបំណងត្រៀមហែរក្បួនកូដកម្មនេះត្រូវបានសមត្ថកិច្ចនិង អាជ្ញាធររារាំង។
គោលបំណងធ្វើកូដកម្មរបស់កម្មករខាងលើនេះ គឺក្រុមកម្មករបានទាមទារនិងលក្ខខណ្ឌ ការងារផ្សេងៗចំនួន១២ចំណុចពីរោងចក្រ ក្នុងនោះចំណុចសំខាន់គឺទាមទារប្រាក់គោលរបស់កម្មករ ពី៦១ដុល្លាដល់៩៣ដុល្លានិងទាមទារសូមឲ្យក្រុមហ៊ុនទទួលយកសហជីពស៊ី ខៅឌូដែលក្រុមហ៊ុនបញ្ឈប់ការងារ ឲ្យចូលធ្វើការវិញ។ប៉ុន្តែរាល់ការទាមទារទាំងអស់នេះនៅមិនទាន់មាន ដំណោះស្រាយនៅឡើយទេ ហើយពួកកម្មករនៅបន្តធ្វើកូដកម្មដដែល៕
