យុវវជនម្នាក់ ក្រគ្មានលុយស្តីដណ្តឹងកូនក្រមុំគេ ចងកសម្លាប់ខ្លួន
សារព័ត៌មាន Cambodia News/
ភ្នំពេញ(៥ កុម្ភៈ ២០១៤)៖ កាលពីវេលាម៉ោង៦និង៤៥នាទីល្ងាច ថ្ងៃទី៤ ខែកុម្ភៈ យុវជនក្រីក្រម្នាក់ព្រោះតែគ្មានលុយគ្រប់គ្រាន់ចូលស្តីដណ្តឹងនារី ដែល ខ្លួនស្រឡាញ់ជាគូអនាគត បានសម្រចចិត្តចងកធ្វើអត្តឃាតក្នុងបន្ទប់ផ្ទះជួលក្នុងបន្ទប់ ផ្ទះជួលលេខ១០ ស្ថិតក្នុងភូមិព្រៃទា សង្កាត់ចោមចៅ ខណ្ឌពោធិ៍សែនជ័យ។
-
សពយុវវជន ដែលចងកសម្លាប់ខ្លួន ព្រោះក្រគ្មានលុយចូលស្តីដណ្តឹងកូនក្រមុំគេ។ យុវវជន ដែលចងកសម្លាប់ខ្លួនមានឈ្មោះ អាន អាយុ២២ឆ្នាំ មុខរបរជាកម្មកររោងចក្រ ស្នាក់នៅផ្ទះជួលជាមួយក្រុមគ្រួសារ ក្នុងភូមិ-សង្កាត់កើតហេតុខាងលើ មានស្រុកកំណើតនៅស្រុកមេសាង ខេត្តព្រៃវែង។ មុនពេលកើតហេតុគេឃើញបុរសរងគ្រោះបានជិះម៉ូតូចេញពីធ្វើការ ពេលជិះម៉ូតូមកដល់បន្ទប់ជួលក្នុងភូមិកើតហេតុខាងលើ ជនរងគ្រោះបានចូលក្នុងបន្ទប់បិទទ្វារជិត លុះរហូតដល់ម៉ោងកើតហេតុខាងលើ ម្តាយនិងអ្នកជិតខាងបានចេញមកពី ធ្វើការមកបន្ទប់ជួល ស្រាប់តែរុញទ្វារបន្ទប់ឃើញបុរសរងគ្រោះចងកក្នុងបន្ទប់ស្លាប់បាត់ ទៅហើយ។
ស្រី្តជាម្តាយជនរងគ្រោះបានឲ្យ ដឹងថា មុនពេលកើតហេតុប្រមាណ២-៣ថ្ងៃកូនប្រុសរបស់គាត់បានរអ៊ូរទាំថា បានស្រឡាញ់នារីម្នាក់ដែលនៅបន្ទប់ក្បែរគ្នា ហើយចង់ឲ្យគាត់ជាម្តាយចូលស្តីដណ្តឹងធ្វើជាគូអនាគត តែដោយសារស្ថានភាពក្រីក្រ និងមិនមានប្រាក់គ្រប់គ្រាន់សម្រាប់ឲ្យថ្លៃទឹកដោះគេ គាត់ជាម្តាយបានប្រាប់កូនវិញថា “គ្រួសារយើងក្រគ្មានប្រាក់គ្រប់គ្រាន់សម្រាប់ថ្លៃទឹកដោះគេទេ៕
