សកម្មជនដីធ្លី និងមន្ត្រីអង្គការសង្គមស៊ីវិល ៤រូប ត្រូវបានដោះលែងឱ្យមានសេរីភាពវិញហើយ
សារព័ត៌មាន Cambodia News /
ភ្នំពេញ(២១ មករា ២០១៤)៖ សកម្មជនទាំង ១១នាក់ រួម មានមេដឹកនាំសំខាន់ៗ ដូចជា លោក រ៉ុង ឈុន, ទេព វណ្ណី, យ៉ោម បុបា្ជ និងបូ ឆវី ជា ដើម ដែលត្រូវកម្លាំងនគរបាលរាជធានីភ្នំ ពេញ ចាប់ ខ្លួន កាលពីព្រឹកថ្ងៃទី២១ ខែមករា ឆ្នាំ២០១៤ នៅមុខស្ថានទូតអាម៉េរិក ត្រូវបានសមត្ថកិច្ច ដោះលែងឱ្យមានសេរីភាពវិញហើយ នារសៀលម៉ោង ១ និង ៥២នាទី ថ្ងៃដដែលនេះ។
នេះបើយោងតាមអ្នកនាំពាក្យ សាលា រាជធានីភ្នំពេញ លោក ឡុង ឌីម៉ង់ បានឲ្យដឹងថា ពួកគេ ទាំង ១១នាក់ ត្រូវបាននគរបាលរាជធានីភ្នំ ពេញ ធ្វើការអប់រំ និងឱ្យធ្វើកិច្ចសន្យា បញ្ឈប់ការតវ៉ា និងប្រមូលផ្ដុំខុសច្បាប់នា ពេលលើកក្រោយទៀត ។
គួរបញ្ជាក់ថា នៅវេលាម៉ោងប្រមាណ ៨ និង៣០នាទីកាលពីព្រឹកថ្ងៃទី២១ ខែ មករា កម្លាំងនគរបាលរាជធានីភ្នំពេញសហ ការជាមួយកម្លាំងនគរបាល ខណ្ឌដូនពេញ និងកម្លាំងសណ្ដាប់ធ្នាប់ខណ្ឌ បានឃាត់ខ្លួន ជាបន្ដបន្ទាប់ នូវសកម្មជនតវ៉ាដែលដឹកនាំ ដោយលោក រ៉ុង ឈុន, ទេព វណ្ណី និង យ៉ោម បុបា្ជ ជាដើម ពីបទ ប្រមូលផ្ដុំគ្នា ដោយគ្មានការអនុញ្ញាតនៅមុខស្ថានទូតអា ម៉េរិក ស្ថានទូតអង់គ្លេស និងស្ថានទូតបារាំង ក្នុងគោលបំណង ដាក់ញត្ដិសូមឱ្យជួយអន្ដរា គមន៍ដោះលែង សកម្មជនទាំង ២៣នាក់ ដែលត្រូវចាប់ខ្លួនកាលពីពេលកន្លងទៅដឹក នាំដោយលោក វ៉ន ពៅ នោះ ។
ក្រោយការ ចាប់ខ្លួន សកម្មជនទាំង ១១នាក់រួចមក ក្រុមដែលនៅសេសសល់បាននាំគ្នាទៅ ប្រមូលផ្ដុំគ្នា នៅមុខស្នងការដ្ឋាននគរបាល រាជធានីភ្នំពេញ ដើម្បីអំពាវនាវឱ្យដោះ លែងសកម្មជនរបស់ពួកគេ ៕