អាចារ្យអេA ទទួលបានរថយន្ត ៣គ្រឿងពីសម្តេចតេជោ
សារព័ត៌មាន Cambodia News/
ភ្នំពេញ (១៧ សីហា ២០១៦) ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានប្រគល់រថយន្តបីគ្រឿងបន្ទាប់ពីបាន ប្រាប់ទៅអាជ្ញាធរក្រុងអោយប្រគល់ត្រឡប់រថយន្តសង្គ្រោះរបស់គ្រួសារ វិទ្យុABCដែលត្រូវមន្ត្រីមន្ទីរសុខាភិបាលក្រុងចាប់ឃាត់ទុកកាលពី សប្តាហ៍មុន។
ក្នុងការប្រគល់រថយន្តទាំង៣គ្រឿងកាលពីថ្ងៃម្សិលមិញ លោកអភិបាលរាជធានីភ្នំពេញ ដែលជាតំណាងរបស់ សម្តេចតេជោ បានផ្តាំផ្ញើរឱ្យគ្រួសារវិទ្យុABCប្រើប្រាស់រថយន្តដើម្បីសង្គ្រោះប្រជាពលរដ្ឋរងគ្រោះនេះថាតើត្រូវ ជួយដឹកសង្គ្រោះប្រជាពលរដ្ឋដែលរងគ្រោះនោះក្នុងកម្រិតណាមួយ តែបើ ស្ថិតក្នុងស្ថានភាពធ្ងន់ធ្ងរគ្រួសារវិទ្យុABCអាចអន្តរាគមន៍ទៅរថយន្តសង្គ្រោះដែលគេមានឧបករណ៍ គ្រប់គ្រាន់ទើបការងារ មនុស្សធម៌នេះកាន់តែល្អប្រសើរនិងទទួលបានជោគជ័យ ទាំងអស់គ្នា។
មន្ត្រីរដ្ឋបាលរាជធានីភ្នំពេញបានឱ្យដឹងថា៖ រថយន្តទាំង៣គ្រឿងនោះមាន២គ្រឿងទុកសម្រាប់ប្រើប្រាស់ក្នុងន័យ សប្បុរសធម៌ដឹកប្រជាពលរដ្ឋដែលរងគ្រោះផ្សេងៗនិង១គ្រឿងទៀតសម្រាប់ ដឹកផលិតផលរបស់ABC។
ក្រោយពីទទួលបានរថយន្តចំនួនបីគ្រឿងពីស ម្ដេចតេជោហ៊ុន សែន លោកអាចារ្យអេAបានប្រកាសនៅចំពោះមុខមន្ត្រីរាជការនិងអ្នកសារព័ត៌មាន ជាតិយ៉ាងច្រើនកុះករនាពេលនេះថា៖លោកចង់ឱ្យអ្នកសារព័ត៌មានពង្រឹង អំណាចទី៤ឱ្យបានរឹងមាំដោយត្រូវគោរពវិជ្ជាជីវឱ្យបានត្រឹមត្រូវ ស្របពេលដែលសម្តេចតេជោហ៊ុន សែន បាននឹងកំពុងយកចិត្តទុកដាក់ ចំពោះសិទ្ធិសេរីភាពសារព័ត៌មាននិងស្របពេលដែលកម្ពុជាមានចំណាត់ថ្នាក់ លេខ១នៅសមាគមអាស៊ាននិងមានចំណាត់ថ្នាក់លេខ១២៨នៅលើពិភពលោក ពាក់ព័ន្ធនឹងសិទ្ធិសេរីភាពសារព័ត៌មាន៕
