សម្តេចតេជោ កុំឲ្យពលរដ្ឋយតក់ស្លុត ចំពោះអ្នកដែលមិនត្រូវឆ្កែឬឆ្មាខាំ
សារព័ត៌មាន Cambodia News/
រាជធានីភ្នំពេញ (២៥ ខែកុម្ភៈ ២០១៩) ៖ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានស្នើទៅកាន់ប្រជាពលរដ្ឋកម្ពុជាទាំងអស់សុំកុំឲ្យមានភាពតក់ស្តុតចំពោះជំងឺឆ្កែឆ្កួតជាពិសេ សបងប្អូនដែលមិនត្រូវបានឆ្កែឬ ឆ្មាខាំ ។ ការតក់ស្តុតរបស់បងប្អូនប្រជាពលរដ្ឋបានកើតមានឡើងនាប៉ុន្មានសប្តាហ៍ចុងក្រោយនេះបន្ទាប់ពីមានករណី ស្លាប់កុមារីម្នាក់ដោយសារជំងឺឆ្កែឆ្កួត ។
សម្តេចតេជោនាយករដ្ឋមន្ត្រីបានស្នើសុំបែបនេះទៅកាន់ប្រជាពលរដ្ឋនាព្រឹកថ្ងៃទី២៥ ខែ កុម្ភៈ នេះនៅក្នុងទីវាជាតិទីក្រុងស្អាតលើកទី៧ ឆ្នាំ ២០១៩ នៅ សណ្ឋាគារសុខាភ្នំពេញ ខណៈមានពលរដ្ឋខ្មែរជាច្រើននាក់សម្រុកទៅរកសេវាចាក់វ៉ាក់សាំងការពារជំងឺឆ្កែឆ្កួតនៅវិទ្យាស្ថានប៉ាស្ទ័រកម្ពុជា ។
ការលើកឡើងបែបនេះ ដោយសម្តេចចង់ទុកលទ្ធភាពដល់អ្នកដែលធ្លាប់ទទួលវ៉ាក់សាំង ឬ អ្នកដែលត្រូវឆ្កែខាំពិតប្រាកដទទួលបាន សេវាចាក់វាក់សាំងជាអាទិភាពពីព្រោះកន្លងមកមានអ្នកខ្លះបានបន្ទោសពីសេវារបស់វិទ្យាស្ថានប៉ាស្ទ័រនៃក្រសួ ងសុខាភិបាលនេះថាយឺតយ៉ាវ ។ សម្តេចតេជោក៏បានសុំឲ្យក្រសួងសុខាភិបាលពង្រាយវ៉ាក់សាំងទាំងអស់នេះទៅកាន់មន្ទីរពេទ្យទាំងអស់នៅទូទាំងប្រទេសដើម្បីផ្តល់សេវាជូនដល់ប្រជាពលរដ្ឋ ៕