ហ៊ុន សែន ជូនកាដូជិតមួយសែនកន្លះដុល្លារដល់អតីតយុទ្ធមិត្តវៀតណាម
សារព័ត៌មាន Cambodia News /
ភ្នំពេញ (១៧ មករា ២០១៤)៖ លោកនាយករដ្ឋមន្រ្តី ហ៊ុន សែន កាលពីពេលថ្មីៗនេះបានផ្តល់ប្រាក់ឧបត្ថមចំនួន ១៤០.០០០ ដុល្លារអាម៉េរិកជូនសមមិត្តអតីតកងទ័ពស្ម័គ្រចិត្ត និងអ្នកជំនាញវៀតណាមដែលបានជួយរំដោះប្រទេសកម្ពុជាចេញពីរបប ខ្មែរក្រហមនាដើមឆ្នាំ ១៩៧៩ ហើយជាឱកាសដែលលោកបានឡើងកាន់អំណាចជិត ៣០ ឆ្នាំមកនេះ។
ដោយនិយាយជាភាសាវៀតណាមនៅក្នុងជំនួបជាមួយសមមិត្តអតីតយុទ្ធមិត្ត វៀតណាមនៅឯទីក្រុងហាណូយកាលពីចុងខែធ្នូកន្លងមកនេះ លោក ហ៊ុន សែន បានថ្លែងអំណរគុណដល់អតីតកងទ័ពវៀតណាមរាប់ម៉ឺននាក់ដែលបានស្លាប់និង របួសជាច្រើននាក់ដើម្បីជួយរំដោះប្រទេសកម្ពុជាពីរបបខ្មែរក្រហម ប៉ុល ពត។
គេហទំព័រ Vietnamnet របស់រដ្ឋាភិបាលវៀតណាមបានរាយការណ័ថា នៅក្នុងពិធីសំណេះសំណាលនោះ លោក ហ៊ុន សែន បានឧបត្ថម្ភប្រាក់ដល់អតីតកងទ័ពស្ម័គ្រចិត្តវៀតណាមនិងអតីតអ្នក ជំនាញការវៀតណាមទាំង ៧០០ នាក់ ក្នុងម្នាក់ៗចំនួនទឹកប្រាក់ ២០០ ដុល្លារអាម៉េរិក៕
