អត្ថប្រយោជន៍ជាច្រើន ដែលកម្មករ កម្មការិនីនឹងទទួលបាននៅឆ្នាំថ្មីនេះ
សារព័ត៌មាន Cambodia News/
ភ្នំពេញ (០២ មករា ២០១៨) ៖ ក្រសួងការងារនិងបណ្ដុះបណ្ដាលវិជ្ជាជីវៈ កាលពីថ្ងៃទី៣១ ខែធ្នូ ឆ្នាំ២០១៧ បានចេញសេចក្ដីប្រកាសព័ត៌មានផ្លូវការ អំពីការផ្ដល់សេវាមូលនិធិសមធម៌សុខាភិបាល និងការបើកប្រាក់ឧបត្ថម្ភបន្ថែម ដែលសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ផ្ដល់ជូនកម្មករ កម្មការិនី ចាប់ពីឆ្នាំ២០១៨ តទៅ។
តាមសេចក្ដីប្រកាសព័ត៌មាន របស់ក្រសួងការងារ និងបណ្ដុះបណ្ដាលវិជ្ជាជីវៈ អត្ថប្រយោជន៍ដែលសម្ដេចតេជោ ហ៊ុន សែនបានផ្ដល់ជូននោះរួមមាន៖
ទី១.ចំពោះការផ្ដល់សេវាមូលនិធិសមធម៌សុខាភិបាល។
ទី២.ចំពោះការបើកផ្ដល់ប្រាក់ឧបត្ថម្ភបន្ថែម ដល់កម្មករនយោជិតជាស្ដ្រី ទាំងក្នុង និងក្រៅប្រព័ន្ធពេលសម្រាលកូន។
ទី៣.ក្នុងករណីនិយោជកម្ចាស់ សហគ្រាស គ្រឹះស្ថាន (ម្ចាស់អាជីវកម្ម) ខកខានមិនបានទៅចុះបញ្ជីនៅ ប.ស.សដែលធ្វើឲ្យបងប្អូននិយោជិតបាត់បង់ប្រយោជន៍នោះ និយោជក ម្ចាស់សហគ្រាស គ្រឹះស្ថាន ត្រូវទូទាត់អត្ថប្រយោជន៍ជូនបងប្អូនកម្មករនិយោជិតដូចអ្វីដែលរាជរដ្ឋាភិបាលផ្ដល់ជូន ក្នុងករណីមិនអនុវត្តតាមគោលការណ៍ខាងលើ នឹងត្រូវទទួលខុសត្រូវចំពោះមុខច្បាប់។
ទី៤.ចំពោះការអនុវត្តរបបសន្ដិសុខសង្គម ផ្នែកថែទាំសុខភាព ដល់មន្ដ្រីសាធារណៈ អតីតមន្ដ្រីរាជការ និងអតីតយុទ្ធជន៕
