យ៉ោម បុបា្ជ ត្រូវបានគេរាយការណ៍ថា លួចមានសហាយស្មន់
ឃែមបូឌា ញូស៌
ភ្នំពេញ(១៥ មករា ២០១៤) ៖ កាលពីរសៀល ថ្ងៃទី១៤ ខែមករា វេលាម៉ោង ២ និង៣០នាទី សកម្មជនដីធ្លីនៅបឹង កក់ យ៉ោម បុបា្ជ ដែលទើបចេញពីពន្ធនាគារត្រូវបានគេរាយការណ៍ថា ប្ដីរបស់គាត់ចាក់ទ្វារ ហើយវាយដំនៅក្នុងផ្ទះ ដោយសារ លួចមានសហាយ ស្មន់ជាមួយក្មេងស្ទាវម្នាក់ នៅក្នុងតំបន់បឹងកក់ ឈ្មោះ ស៊ូ សុផល ហៅ ចិត្រ ។
យោងតាមប្រភពព័ត៌មានរបស់គេហាទំព័រក្នុង ស្រុកមួយបានឱ្យ ដឹងថា ប្ដីរបស់អ្នកស្រី យ៉ោម បុបា្ជ មានការ ខឹងសម្បារយ៉ាងខ្លាំងពីព្រោះរូបគាត់រួមជា មួយសកម្មជនដីធ្លីនៅបឹងកក់ ផ្សេងទៀត បានខិតខំយ៉ាងខ្លាំង ដើម្បីជួយឱ្យ យ៉ោម បុបា្ជ ចេញពីពន្ធនាគារ ប៉ុន្ដែបែរជាទៅលួចមានសហាយស្មន់ ជា មួយក្មេងស្ទាវ នៅក្នុងតំបន់បឹងកក់។ យ៉ាងណាក៏ដោយ ប្ដី យ៉ោម បុបា្ជ មិនបានដាក់ពាក្យបណ្ដឹង នៅសមត្ថកិច្ចមូលដ្ឋាននោះឡើយ ជុំវិញភរិយារបស់ខ្លួនលួចមានសហាយស្មន់ ។
ប្រភពព័ត៌មានបានបន្ដទៀតថា ក្រោយ ពីមានរឿងរ៉ាវខាងលើនេះកើតឡើង ខាង អង្គការសង្គមស៊ីវិល ដែលធ្លាប់តស៊ូ និងធ្វើ ការជាមួយក្រុមសកម្មជនដីធ្លី នៅតំបន់បឹងកក់ បានចុះទៅសម្របសម្រួលរវាងពួកគេទាំងពីរនាក់ ។
ពាក់ព័ន្ធបញ្ហាខាងលើនេះអ្នក យកព័ត៌មានរបស់យើងមិនអាចសុំអត្ថាធិប្បាយពីអ្នកស្រីយ៉ោម បុប្ផា និងប្តីរបស់អ្នកស្រីបានទេនៅព្រឹកថ្ងៃទី១៥ ខែមករានេះ ៕
