អ្នកកាសែតអន្តរជាតិ មកគោរពវិញ្ញាណក្ខន្ធសហសេវិក
នៅព្រឹកថ្ងៃទី០៦ កុម្ភៈ ២០១៣នេះ ក្រុមអ្នកកាសែតអន្តរជាតិសាច់ញាតិបានមកធ្វើពិធីគោរពវិញ្ញាណក្ខន្ធមិត្តភក្ដិរួមអាជីពរបស់ខ្លួន ដែលបានស្លាប់នៅក្នុងពេលរាយការណ៍ព័ត៌មាន ពីសង្រ្គាម ស៊ីវិលនៅកម្ពុជា។
លោក ពុយ គា អ្នកសម្របសម្រួលកម្មវិធី និងជាអ្នកកាសែតខ្មែរធ្វើការឱ្យទីភ្នាក់ងារព័ត៌មានជប៉ុនក្យូដូ បានថ្លែងថា អ្នកកាសែត មកពីប្រទេសអូស្រ្តាលី អាម៉េរិក បារាំង កាណាដា និងកម្ពុជា បានប្រារព្វពីធីគោរពវិញ្ញាណក្ខន្ធមិត្តភក្ដិរបស់ខ្លួន ប្រមាណ៣៤នាក់ដែលបានស្លាប់ ក្នុងពេលរាយការណ៍ពីសង្គ្រាមនៅកម្ពុជា។
លោក ពុយ គា បានចាត់ទុកការមកគោរពវិញ្ញាណក្ខន្ធនេះ ថាជាការយកចិត្តដាក់មួយដ៏មានតម្លៃបំផុតសម្រាប់ជាអ្នកអាជីព ផ្នែកសារព័ត៌មាន និងឱ្យតម្លៃមិត្តភក្ដិ។ លោកថា “អ្នកកាសែត ពិតជាមានវីរភាព ដ៏អង់អាចរបស់ខ្លួន ដែលហ៊ានលះបង់ប្តូរជីវិត ដើម្បីពាំនាំព័ត៌មានជូនមហាជន ទោះស្ថិតក្នុងស្ថានភាពសង្រ្គាម និងកលយុគយ៉ាងណាក៏ដោយ”។
