លោក ហ៊ុន សែន ចុះចេញពីដំណែង?
សារព័ត៌មាន Cambodia News /
ភ្នំពេញ (១៤ មករា ២០១៤)៖ នៅតាមផ្សារ និងតាមរោងចក្រមួយចំនួននៅរសៀនថ្ងៃអង្ការនេះមានប្រជាជន និងកម្មករជាច្រើនសួរគ្នីគ្នាថា លោក នាយករដ្ឋមន្រ្តី ហ៊ុន សែន បានសម្រេចចិត្តចុះចេញពីដំណែង ដែលដំណឹងមាត់ចាបមាត់ព្រាបនេះបានធ្វើឲ្យអ្នកដែលមិនគាំទ្រលោក ហ៊ុន សែន មានការសប្បាយចិត្ត និងអបអរសាទរ។
ព័ត៌មាននេះទំនងជាមានអ្នកបំប៉ោង ឬក៏មានការយល់ច្រឡំពីការចុះចេញពីដំណែងរបស់នាយករដ្ឋមន្រ្តីថៃគឺលោកស្រី យីងឡាក់ ស៊ីណាវ៉ាត់ត្រា ព្រោះកាលព្រឹកមិញនេះមានព័ត៌មានថា នាយករដ្ឋមន្រ្តីថៃនឹងសុខចិត្តចុះពីដំណែងជានាយករដ្ឋមន្រ្តី។
មន្រ្តីជាន់ខ្ពស់របស់គណបក្សប្រជាជនប្រាប់សារព័ត៌មានយុវវ័យថា លោក ហ៊ុន សែន នៅតែបន្តដឹកនាំរាជរដ្ឋាភិបាលអាណត្តិទី ៥ ហើយលោកក៏កំពុងខិតខំស្វែងរកច្រកចេញពីជម្លោះនយោបាយជាមួយគណបក្សសង្រ្គោះចាតិ ដើម្បីផលប្រយជន៍ជាតិ៕
