អាកាសធាតុត្រជាក់និងមានភ្លៀងតាមខេត្តមួយចំនួនក្នុងប្រទេសកម្ពុជា
ភ្នំពេញ ៖ ធាតុអាកាសត្រជាក់ និងការមានភ្លៀងធ្លាក់ខ្លាំងតាមរាជធានី-ខេត្តមួយចំនួន តាំងពីយប់មិញ រហូតដល់វេលាថ្ងៃត្រង់ ថ្ងៃអង្គារ៍ ទី១៧ ខែធ្នូនេះ ។ មន្ត្រីក្រសួងធនធានទឹក និងឧត្តុនិយម បានឲ្យដឹងថា អាកាសធាតុបានចុះត្រជាក់ នៅខេត្តបន្ទាយមានជ័យ និងឧត្តរមានជ័យ ដោយអាកាសធាតុត្រជាក់នេះចុះត្រជាក់ពី ៣១ឬ៣២ អង្សាសេ ចុះមកដល់ ១៤ ឬ១៥ អង្សាសេ។
ដោយឡែក នៅខេត្តកំពត ទឹកភ្លៀងបានធ្លាក់ច្រើនតាំងពីយប់ថ្ងៃទី១៦ ខែធ្នូ មកដល់ថ្ងៃអង្គារ៍ នេះមិនទាន់រាំងនៅឡើយទេ។ ទឹកភ្លៀងនេះ បានជនលិចស្រូវទុំរដូវវស្សា ដែលមិនទាន់បានប្រមូល ឬជនលិចស្រូវទុំក្នុងស្រែអស់គ្មានសល់។
បញ្ហា នេះមន្ត្រីក្រសួងធនធានទឹក ឲ្យដឹងថា អាកាសធាតុត្រជាក់ និងភ្លៀងធ្លាក់រាយប៉ាយ តាមរាជធានី-ខេត្តភាគច្រើននៅទូទាំងប្រទេសកម្ពុជា ពិសេសនៅរាជធានីភ្នំពេញ ទឹកភ្លៀង នៅបន្តធ្លាក់រហូតមកដល់ម៉ោង ១១ និង៣០នាទីព្រឹកថ្ងៃអង្គារ៍នេះ មិនទាន់ឈប់ទេ។ ហើយផ្ទៃមេឃ មានខ្យល់បក់ខ្លាំង មេឃមានពពកច្រើន មានរលឹម និងភ្លៀងជាបន្តបន្ទាប់៕ Cambodia News