ភោ សុផានិត ធ្លាក់ខ្លួន ពេលជួបស្នេហ៍ថ្មី?
ភ្នំពេញ៖ ក្រោយលែងប្រពន្ធជាង ៣ឆ្នាំ និងខកស្នេហ៍អ្នកមេម៉ាយកែវ ពេជ្រពិសី មក ពោះម៉ាយរូបសង្ហា ភោ សុផានិត ហាក់តែលតោលឯកោខ្វះគូស្នេហ៍ តែអ្វី ដែលគួរឱ្យភ្ញាក់ផ្អើល ស្រាប់តែសុផានិត បានបណ្តើរស្រីម្នាក់ ជារបៀបគូស្នេហ៍ កាលពីពេលថ្មីៗនេះ ស្របពេលដែលមានដំណឹងថា លោកផានិត បានធ្លាក់ខ្លួនជិះម៉ូតូ…។
លោកភោ សុផានិត ហាក់ដាច់ឆ្ងាយពីមិត្តភក្តិចាស់ តាំងពី ដើរចេញពីទូរទស្សន៍CTN រត់ចូលទូរទស្សន៍ថ្មី ហង្សមាស មក ហើយ មានព័ត៌មានថា លោកចង់សមាធិស្ងប់ស្ងាត់ ក្រោយពីមិនសូវសមប្រកប រឿងស្នេហាត្រូវបរាជ័យជាបន្តបន្ទាប់មកនោះ តែមិនទាន់មានដំណឹង ថា លោកផលិតករសម្តីផ្អែមដូចទឹកឃ្មុំរូបនេះ ទៅបួស ឬធ្វើជាតាបស ដូចតារាខ្លួនមួយចំនួន ត្រូវប្រពន្ធលែងលះឡើយ។
តាមប្រភពថា តាំងពីសុផានិត បានជួបបរាជ័យស្នេហ៍៣លើក ផ្ទួនៗគ្នារួចមក លោកហាក់ដូចជាខ្លាចរអារឿងស្នេហាតែម្តង ពិសេស គឺការបែកបាក់ស្នេហ៍ចុងក្រោយ ជាមួយនិស្សិតក្រមុំនៅអាមេរិកនោះ ធ្វើឱ្យផានិត អស់សង្ឃឹមជាងការបែកបាក់ស្នេហ៍មុនៗទៅទៀត។
ប៉ុន្តែ តាមរយៈជាពិធីករនៅតែមានរូបរាងសង្ហា និងមានសមត្ថភាពពិតប្រាកដ នោះ លោកផានិត មិនខ្វះទេស្រីស្អាត ហើយជាក់ស្តែងកាលពីថ្ងៃទី១៥ កក្កដា ក្នុងវេទិកាអាណាចក្រតារា សុផានិត បានបណ្តើរស្រីម្នាក់ដូច គូស្នេហ៍ទៅបង្ហាញតារាដទៃ នាំឱ្យគេចាប់អារម្មណ៍គ្រប់គ្នាថា សុផានិត ពិតជាមិនខ្វះស្រីៗចង់ធ្វើគូសង្សារមែន តារាៗកំលោះមួយចំនួន មិនអាចប្រៀបផ្ទឹមបានទេ។
លោកសុផានិត ជាពិធីករល្អកម្ររកបាន ក៏ដោយ តែក្នុងវេទិកាអាណាចក្រតារា ២ឆ្នាំ ជាប់គ្នានេះ លោក ក៏ហាក់ត្រូវបានក្រុមហ៊ុនឯកជន មួយនេះ មើលរំលងដែរ គឺ អត់ដែលបានប៉ះពានកញ្ចក់ថ្លា នោះឡើយ។
គេមិនទាន់អាចសន្និដ្ឋានបានទេថា តើនារីដែល លោកភោ សុផានិត កំពុងតែ ស្និទ្ធស្នាល ទៅណា ក៏យក ទៅតាមនោះ ជាគូស្នេហ៍ថ្មីលោក ឬស្គាល់គ្នាកម្រិតណានោះទេ ព្រោះតែ មិនទាន់មានការបកស្រាយផ្ទាល់ពីលោក៕ ស.រ/Cambodia News
