ស្វែង សុជាតា ទៅថៃព្យាបាលជំងឺដុះសាច់ក្នុងខួរក្បាល
ភ្នំពេញ៖ តារាសម្តែងប្រកបដោយទេពកោសល្យខ្ពស់និងល្បីខាងធ្វើជាតួឆ្នាស អ្នកនាងស្វែង សុជាតាបានចាកចេញទៅកាន់ប្រទេសថៃកាលពីថ្ងៃទី១៧កញ្ញា ដើម្បីទៅពិភាក្សាជាមួយពេទ្យជំនាញនៅទីនោះដែលបានកោះហៅ។
ការចាកចេញទៅព្យាបាលលើកនេះគឺទៅដើម្បីឲ្យពេទ្យសម្រេចវិភាគលើជំងឺដុះសាច់ក្នុងខួរក្បាលដែលកន្លងមកអ្នកនាងស្វែង សុជាតាមិនដែរមានអាការៈអីព្រួយបារម្ភទេប៉ុន្តែទើបតែប៉ុន្មានមួយរយៈនេះនាងចេះតែឈឺក្បាលមិនសូវអាក់រហូតសម្រេចបង្ខំចិត្តចេញទៅពេទ្យនៅថៃតែម្តង។នេះបើយោងតាមការឲ្យដឹងពីក្រុមគ្រួសាររបស់តារាសម្តែងរូបនេះ។
តាមការអះអាងប្រាប់ពីអ្នកជិតដិតជាមួយអ្នកនាងស្វែង សុជាតាបានបង្ហាញឲ្យដឹងថាអ្នកនាងស្វែង សុជាតាចេញទៅសម្រាកព្យាបាលនៅប្រទេសថៃ១សប្តាហ៍ តាមការបញ្ជាក់របស់ពេទ្យនៅទីនោះ។អ្នកនាងត្រូវចាកចេញទៅយ៉ាងប្រញាប់ប្រញាល់បែបនេះដោយសារតែកាលពីមួយរយៈមុនអ្នកនាងដឹងថាជំងឺផ្នែកក្បាលរបស់អ្នកនាងកើតមានដែរតែអត់ដែលមានអាការៈអីដូចឥឡូវដោយសារតែអ្នកនាងហូបថ្នាំឥតទៀងទាត់តាមបញ្ជាពេទ្យទើបជំងឺវាបុកឡើងហើយត្រូវបានពេទ្យគេប្រាប់ថាត្រូវតែចេញទៅព្យាបាលបន្ទាន់កុំទុកយូរឲ្យហួសពេលព្រោះសាច់ដែលដុះនៅក្នុងខួរក្បាលនោះវានៅតូចអាចហូបថ្នាំការពារឬហូបថ្នាំឲ្យរួញបាន។
អ្នកនាងសុជាតាបាន ភ្ញាក់ខ្លួនខ្ញាកហើយក៍ប្រញាប់រួសរាន់ឡើងទៅថៃភ្លាមដើម្បីឲ្យទាន់ពេល។ម្យ៉ាងទៀតនាងមិនចង់ឲ្យជំងឺមកយាយីខ្លួនបង្អាក់ដំណើរជីវិតឡើយពិសេសការងារសព្វថ្ងៃដែលកំពុងតែជាប់ចិត្កស្រលាញ់មានអ្នកគាំទ្រនៅឡើយនោះ៕ ស.រ/Cambodia News
